Өлең, жыр, ақындар

Қара теңіз

  • 07.02.2016
  • 0
  • 0
  • 3772
Қайран Қара теңіздің
Көп кешіп ем толқынын.
Теңіздей терең тебіренем
Есіме түссе сол күнім.
Терістіктен төнген бұлт,
Теңіз беті көк ала.
Қарауылдай мұнартып,
Қалатын жартас жағада.
Тулаған теңіз үстінде
Тітіркенбей денеміз.
Тартатынбыз қасқайып,
Қалтылдамай кемеміз.
Желкемі ойнап желменен
Қан майданға тартқан жол.
Көк болатты крейсер
Үйіміздей еді сол.
Жеңіс туы желпілдеп,
Жорықпен талай өтті күн.
Бурыл ала бұлтпенен
Ұласатын көк түтін.
Асау толқын, ағын су
Анамдай еді емізген.
Он жылдай ойнап төсінде,
Қоштастым Қара теңізбен.
Сұрапыл соғыс, сұр аспан
Сол күндер әлі ойымда.
Қаруымды алып інім тұр
Қара теңіз бойында.
1948



Пікірлер (0)

Пікір қалдырыңыз

Алматыда ақындар көшелері

  • 0
  • 0

Кетті олар күйзелтіп кеше мені,
Болды енді өлмейтін дос өлеңі.
Көрінеді тік басқан өздеріндей
Алматыда ақындар көшелері,

Толық

Тосын

  • 0
  • 0

Құмдарының шоқысы,
Көк торғынды жамылған.
Қеліншектей сән түзеп,
Сәукеле бұлттан салынған.

Толық

Қарасайда қараша үйлер

  • 0
  • 0

(Ғафуға)
Қарасайда қараша үйлер,
Қанаттасып тобын жазбай
Қарасайда қараша үйлер

Толық

Қарап көріңіз