Өлең, жыр, ақындар

Сарыағаш самалы

  • admin
  • 30.09.2024
  • 0
  • 0
  • 245
Қалдың ба ұнатып Сарыағаш самалын,
Жүрекке жидың ба жұпарын даланың?
Оңтүстік аспаны тұратын алаулап,
Одан да отты екен, жас құрбым, жанарың.

Қайырмасы:
Көктемнің балбыраған құрағындай,
Еліктің жаудыраған лағындай.
Балауса балғын жүзім,
Бақытым – бал-қызығым,
Жарығым – жан жұлдызым,
Балқытар Сарыағаштың бұлағындай.

Лебіндей көктемнің мөп-мөлдір ауасы,
Көгілдір таулардың, баулардың арасы.
Жаным-ау, жалғыз-ақ өзің бе гүл атқан –
Құмартқан жүректің мың да бір дауасы.

Қайырмасы:

Жырға да, нұрға да бөленді ән-өлкем,
Өзіңді сағынып тұрамын таңертең.
Жайнатқан аспанды жұлдыздай жарқырап,
Жанымда мәңгілік жүрсеңші, жан еркем.

Қайырмасы:



Пікірлер (0)

Пікір қалдырыңыз

Таулар

  • 0
  • 0

Көгілдір таулар, көк белдер,
Көруге ғана жаралған, –
Сиқырлы сұлу көктем мен
Көктемгі балғын самалдан.

Толық

Шыңдағы шынар

  • 0
  • 0

Шыңдағы шынар
Жалғыз шынар тұр жайқалып,
Биік таудың басында,
Сағи Жиенбаев

Толық

Арман тауға барасың ба?

  • 0
  • 0

Арман тауға барасың ба?
Сені іздедім, көп іздедім
Нұр жамылған қырларымнан.
Сағи Жиенбаев

Толық

Қарап көріңіз