Өлең, жыр, ақындар

Махаббатым мәңгі жас

  • admin
  • 01.01.2025
  • 0
  • 0
  • 401
Дәл сенің көздеріңдей көз көрмедім,
Алланың алғысы екен кез келгенің.
Қанша жыл сол күндерден өтсе-дағы,
Қызғалдақ қыз күніңнен өзгермедің.

Қайырмасы:
Ерке назың жан сырлас,
Естен қалай тандырмас?
Саған деген өзгермес
Махаббатым мәңгі жас.

Киіктей ақ сағымда асқан қырдан,
Аш белің күндік жерден тамсандырған.
Арайы сәуле шашып атқан таңдай
Албырап, алабұртып шықшы алдымнан.

Қайырмасы.

Жан толқып нәр аламын лебіңнен,
Сен менің жаралдың ба тілегімнен?
Қызуы қыз күніңдей ыстық сезім
Жүрекке сәлем айтты жүрегіңнен.

Қайырмасы.

02.02.2005.
Астана



Пікірлер (0)

Пікір қалдырыңыз

Елдің сыйлы ағасы

  • 0
  • 0

Елдің сыйлы ағасы (Бәйкен Әшімовке)
Жас кезінен жарасқан шыдамдылық,
Қолдап жүрді қадамын Құдай біліп.
Кәкімбек Салықов

Толық

Жанымды жалған сөзге жалдай алман

  • 0
  • 0

Жанымды жалған сөзге жалдай алман
Болмапты қайсымызда қандай арман?
Махаббат сәтті­сәтсіз кезін айтпай,
Кәкімбек Салықов

Толық

Татулыққа кезің жоқ көніспеген

  • 0
  • 0

Татулыққа кезің жоқ көніспеген,
Жан құпия... от сезім бөліскен ем.
Тәтті түстей өтеді еске түсіп,
Сәтті күндер махаббат өрістеген.

Толық

Қарап көріңіз

Басқа да жазбалар