Өлең, жыр, ақындар

«Аққу» күйі

  • admin
  • 01.01.2025
  • 0
  • 0
  • 274
Ақкөлге құстар келді жарқыл қағып,
Құлын-тай билеп кетті қарқынданып.
Күйлерін Нұрғисаның құйқылжытты,
Аққу-қаз су бетінде саңқыл қағып.
Жүрегім күй-толқынға көмілгендей,
Қайтейін көрініске көңіл бөлмей.
Жарқ етті ақ қанаттар арасынан
Күлімдеп күйші сазгер көрінгендей.
Ұйқыда көрген түске табыныш па,
Өңімде құс-сезімге бағыныш па?
Айдында сыңар аққу саңқыл қақса,
Малшынып мен де кеттім сағынышқа.
Тамаша ақ қанаттар қағытқаны,
Үн қандай сұлу сыңғыр шабытты әні.
Лүпілі асыл күймен бірлескендей,
Жүрегім жас күнімдей шарықтады.
Тебірентті сыңар аққу сызылғаны,
Ғажайып сұлу екен қызу қаны.
Кеткенде өзге аққулар қамыс жаққа,
Алыста ару құстың үзілді үні.
Ақ самал, шырын саумал есті жел де,
Үн қалды талмаураған кешкі көлде.
«Отырар сазы» ма деп қайран қалдым
Ақкөлде «Аққу» күйін естігенде.

10.11.2003.
Алматы – Астана



Пікірлер (0)

Пікір қалдырыңыз

Рудакимен таныстырған Рахман

  • 0
  • 0

Рудакимен таныстырған Рахман
(Рахман Нәбиевке)
Шашың аппақ,
Кәкімбек Салықов

Толық

Тас көрсем де жүзіне елең етіп

  • 0
  • 0

Тас көрсем де жүзіне елең етіп,
Суреттеймін гүлдей пәк өлең етіп.
Бір өлеңім біткенде тағы бір ой,
Ұмтыламын соңына ере кетіп.

Толық

Балалық шақ белгісі

  • 0
  • 0

Балалық шақ белгісі
Түскем жоқ футбол қуып екі дайға,
Көрмедім асықты да тегін пайда.
Кәкімбек Салықов

Толық

Қарап көріңіз

Пікірлер