Белгісіздік. Екінші нұсқа

Келешекте не күтіп тұр — белгісіз,
Бұны ойлап, жүрегіме келді сыз.

Қасиеттен жұрдай болып адамдық,
Молаға кірпіш болып қаландық.

Қызықтырмас дүниеде еш бұйым,
Айфоның да, Айпадың да — бес тиын.

Ең керегі — денсаулық пен отбасым,
Басқасына ауырмайды көп басым.

Өлеңді мен жазбаймын ерігіп,
Болашаққа жетелесін сені үміт.

Жүрек қысып, тарылғанда тынысың,
Тоқтап қалар кәсіп, сауда, жұмысың.

Кері қайтару мүмкін емес уақытты,
Ақшадан іздемеңдер бақытты.

Дәруіш бол, ібіліске әл бермей,
Еліктеме ақымаққа — дәл мендей.

---