Өлең, жыр, ақындар

Телеграф ленталары

  • 07.02.2016
  • 0
  • 0
  • 1909
Аспанның астасып сұр бұлтыменен,
Бұрқырап қарлы боран тұр түнімен,
Телеграф лентасымен бірге сусып,
Лениннің ұйқы үзілген кірпігінен.
Айқаста қарт капитал қапы кетіп,
Шықты енді Антантаны артына ертіп,
Лениннің жүрегінен лента арқылы
Дүбірлеп бүкіл майдан жатыр өтіп.
Ленталар құйындатқан көк дауылдан,
Жалындап соғып тұрған от тамырдай,
Ленталар — майдандағы «Максимканың»,
Тізілген қатар-қатар оқтарындай.
Ленталар — жас өмірлер ағып жатқан,
Ленталар — деревнялар жалын жапқан.
Ленталар — атты әскердің тізбектері,
Ленталар — комиссарлар дабыл қаққан.
Барлаушы солдаттардай қырларды асып,
Ленталар жетіп жатыр жылдам басып,
Революция данасы кірпік ілмей
Тікелей майдандармен тұр жалғасып.
Ұшқыр ой, алғыр қиял, жетік ақыл,
Оқтардың арасынан өтіп батыл,
Көтеріп солдаттарды шабуылға
Лента боп окоптарға жетіп жатыр.
Жер төсін дөңбекшіткен алып ақыл,
Дүниені дөңгелетер шағында тұр,
Өмірдің үзілмейтін өзегіндей
Ленталар ағып жатыр, ағып жатыр.



Пікірлер (0)

Пікір қалдырыңыз

Ормандағы мола

  • 0
  • 0

Орман үшін ұрыста,
Жауған оққа ұшты ер.
Айбарлы ұлын айналып,
Қойнына алып құшты жер.

Толық

Еңбек зейнеті

  • 0
  • 0

Тың даланы түлетем деп
Өтті талай күресте таң.
Көкірегіне күн мекендеп,
Тұрды ұйқысыз республикам.

Толық

Алуа

  • 0
  • 0

Қызылжар жерінде,
Көмілген қалың егінге —
Алуа адыры бар,
Алуа қабыры бар.

Толық

Қарап көріңіз