Өлең, жыр, ақындар

Омар ата

  • 07.02.2016
  • 0
  • 0
  • 3765
Қостанайға баратын жол қасында,
Арқанын ақ селеулерінің ортасында —
Жатыр Омар Шипин —
Өлеңнің ақсақалы.
Жабулы үстінде
Жамбыл берген ақ шапаны.
Жатыр Омар Шипин
Көз алдына көгілдір жол
Кетіпті өлім сызып.
Одан аулақта,
Жан-жақта
Барады емір жүзіп.
Жалмады жақсы атаны
Ажал сұм аран ашып.
Жатыр Омар Шипин — ақ сақалы
Арқаның ақ селеулеріне араласып.
Тағдырдан азғана бір тағат сұрап,
Қарапты өзі еккен ағашына.
Жазыпты өсиетін арапшалап
Баласына.
«Көмген соң
Шақыр қарияларды, жігіттерді,
Қаласа бер менен қалған мүліктерді».
Алқына шығып соңғы жиі демі
— Ал,— депті баласына,—
Үйді, бар дүниені.
— Қи,— депті киімімнің жақсыларын.
Білмепті бірақ
Өлеңін кімге тапсырарын.
Кім оны ойланады кезде тірі,
Дүниеде қиьш екен сөз жетімі.
Ойланам,
Ойланам да, болам қапа
Көп сөзді әкетті-ау деп
Омар ата!



Пікірлер (0)

Пікір қалдырыңыз

Аспандар

  • 0
  • 0

Терезені қаққаны жас тамшылар
Үйге енуге асыққан аспан шығар...
Жолдас аспан! Бұлтыңмен жоғары шық,
Серік іздеп түн ұйқың қашқан шығар.

Толық

Тосын

  • 0
  • 0

Құмдарының шоқысы,
Көк торғынды жамылған.
Қеліншектей сән түзеп,
Сәукеле бұлттан салынған.

Толық

Майдан түні

  • 0
  • 0

Аспаны күн батыстың қызыл шатыр,
Аңғарып от ұялап алып жатыр.
Жан-жақтан ракета жарқылдайды,
Дегендей окобыңда қалма қапыл.

Толық

Қарап көріңіз