Қызым келіннен ғибрат алып өседі,
Ұлым елімнен ғибрат алып өседі.

Ілмектер: қыз, келін, ел, ұл, ғибрат

---

---

Бетеге, жусан — бел көркі,
Білімді ұл, қыз — ел көркі.

Ілмектер: білім, ұл, қыз

---

---

Ұлыңа бес жасқа дейін патшаңдай қара
Он бес жасқа дейін қосшыңдай сана,
Он бестен асқан соң досыңа бала.

Ілмектер: ұл, бала

---

---

Отыз ұлың болса да
Әрқайсысының орны басқа.

Ілмектер: ұл

---

---

Арсыз болса — қыз қорлық,
Ақылсыз болса — ұл қорлық.

Ілмектер: ар, ақыл, қыз, ұл

---

---

Қыз мінезді келсін,
Ұл өнерлі келсін.

Ілмектер: қыз, ұл, өнер, мінез

---

---

Жетесіз ұл жеті атасын қаздырар.

Ілмектер: жеті ата, жетесіз, ұл

---

---

Ұлың өссе – ұлы жақсымен жақын бол, қызың өссе қызы жақсымен сыйлас бол.

Ілмектер: ұл, қыз, жақсы, сыйластық, жақындық

---

---

Жеті атасын білмеген ұл жетесіз.

Ілмектер: ата, ұл, жеті, сан туралы мақал

---

---

Байға құл болғанша,
Байғұсқа ұл бол.

Ілмектер: бай, ұл, құл, пейіл, ынсап

---

---

Отыз ұлым болса да орны басқа.

Ілмектер: бала, ұл, отбасы, туыс, жанұя

---

---

Ұлың өссе, ұлы жақсы мен ауылдас бол
Қызың өссе,қызы жақсымен ауылдас бол.

Ілмектер: ұл, қыз, отбасы, туыс, жанұя

---

---

Келінің жаман болса, ұлыңнан көр.
Күйеуің жаман болса, қызыңнан көр.

Ілмектер: келін, күйеу, ұл, қыз, отбасы, туыс, жанұя

---

---

Ұлы бардың - ұрпағы бар.

Ілмектер: ұл, ұрпақ, адам, өмір

---

---

Алты ұл тапқан әйелді ханым десе болмас па,
Аға деген жігітті жаным десе болмас па.

Ілмектер: аға, ұл, ханым, өмір, орта, тұрмыс, тірлік, қоғамдық құбылыстар

---

---

Атадан жақсы ұл туса,
Қар үстінде от жанар,
Атадан жаман ұл туса,
Ат үстінде ит қабар.

Ілмектер: ата, ұл, өмір, орта, тұрмыс, тірлік, қоғамдық құбылыстар

---

---

Ұлың тентек те болса зор болсын.

Ілмектер: ұл, тентек

---

---

Жақыптың өлген ұлына,
Қасқырды тартпа құнына.

Ілмектер: ұл, қасқыр, құн, араб мақалы

---

---

Өзіңнен тумай ұл болмас.

Ілмектер: ұл

---

---

Ұл - түтінге,
Қыз - күтімге.

Ілмектер: ұл, қыз, түтін, күтім

---

---