Әйелдің жалаңаш денесі еркектің құмарлығын қоздырады. Ақылмен бөгеп, сабырмен тұсалмаған құмарлық таудан төңкерілген сең сияқты: жолындағының бәрін ұйпа-тұйпа етіп, жайпап жойып кетеді. Сондықтан әйелдің еркек құмарлығын қоздыратын ашық-шашық жерді көбейтпей жауып, жария етпей қымтап ұстауы абзал. Әсіресе етекті қара санға дейін көтермеу, кеудені жалаңаштамау жөн. Сонда еркек елеңдемейді, әйел алаңдамайды, адалдық бұзылмайды.

Ілмектер: әйел, адалдық, еркек, Құмарлық Әзілхан Нұршайықов

---

---

Шешен кісі сөз бастар,
Адал кісі – ел бастар.

Ілмектер: ел, сөз, адалдық, шешен Жамбыл Жабаев

---

---

Дүниеде әділдік пен адалдықты ту еткен адамнан артық ешкім жоқ.

Ілмектер: әділдік, адалдық, адам Шоқан Уәлиханов

---

---

Адалдық: өзі алданса алданар, өзі ешкімді алдамас.

Ілмектер: адалдық, алдау Ғабит Мүсірепов

---

---

Адам біреуді сүйер болса, оны кәусар суындай таза, гауһар тас сәулесіндей мөлдір ләззатпен сүюге тиісті. Сөйтсе ғана ол өзінің де, жақсы көрген адамның да арман мүддесін адал сақтайды, кір жұққызбайды.

Ілмектер: махаббат, сүю, адалдық, арман Ілияс Есенберлин

---

---

Досқа адалдық - рухқа адалдықпен бірдей.

Ілмектер: дос, достық, адалдық Тоқсары

---

---

Берместің үйінде бесті қымыз тұрады.

Ілмектер: үй, қымыз, адалдық, адамгершілік, ізгілік, ынтымақ

---

---

Адал еңбек ердің досы,
Бақ іздеудің жолы осы.

Ілмектер: адалдық, еңбек, бақ Кенен Әзірбаев

---

---

Батырлық – тәуекел мен адалдық есебінен шығуға тиіс. Тәуекел кейде ақылды да ақтап алады. Ал, ақылсыз тәуекел ешкімді де ақтай алмайды.

Ілмектер: батырлық, тәуекел, адалдық, ақыл Бауыржан Момышұлы

---

---

Шыншылдық адалдықпен ағзалас.

Ілмектер: шыншылдық, адалдық, нақыл, афоризм Әл – Фараби

---

---

Кей адамнан ит ілгері, достықты ұмытпайды, адал қызмет етеді.

Ілмектер: ит, достық, адал, адалдық, адам, нақыл, афоризм, қанатты сөздер Шәкәрім Құдайбердіұлы

---

---

Балаларыңызды адалдыққа баулу — тәрбиенің басы.

Ілмектер: бала, адалдық, тәрбие, бас, нақыл, афоризм, қанатты сөздер Джон Рескин

---

---

Адал адамға барлық жерде өмір сүру қауіпті.

Ілмектер: адалдық, адал, адам, қауіп, нақыл, афоризм, қанатты сөздер Эпиктет

---

---

Адам болсаң, болғайсың адал жанды,
Жауыздықтан аулақ бол, сүй адамды.
Жақсылықты жақсылық табар іздеп,
Жамандықпен жақсы атақ кім шығарды?

Ілмектер: атақ, жаман, жақсылық, адал, адалдық, жауыздық, сүй, нақыл, афоризм, қанатты сөздер Низами

---

---

Ел билеушiлердiң ең негiзгi мiндетi — халқына адал қызмет ету, соларды бақытқа жеткiзудi ойлау, сөйткенде ғана басшы жұрттан сүйiспеншiлiк, қадiр-құрмет күте алады.

Ілмектер: Ел, билеушi, міндет, халық, нақыл, афоризм, қанатты сөздер, қазмет, адалдық, сүйiспеншiлiк, қадiр-құрмет Жүсіп Баласағұни

---

---

Бақыт дегенiмiз адамның өзiмен-өзi бейбiт өмiр сүруi. Бұл да адал тiрлiк iстегенде келедi.

Ілмектер: бақыт, афоризм, қанатты сөздер, өмір, нақыл, адалдық Максим Горький

---

---

Тоғыз жасар Жетес тоқсандағы Төле биге сәлем бере барыпты: сонда Төле би былай деген екен: — Бата — басқа, қына — тасқа, ақыл — жасқа, не қалайсың, балам? — депті. Сонда Жетес бала: — О, қасиетті, баба! — Ат берсеңіз өліп қалады, тон берсеңіз тозып қалады. Ат, тонға бергісіз өлмейтін, өшпейтін, өмірі естен кетпейтін бір өсиет айтсаңыз соған ризамын, — депті. Онда қолыңды жай, балам, — деп Төле би:

Бір үйдің баласы болма,
Көп үйдің санасы бол!
Бір елдің атасы болма,
Бар елдің данасы бол!
Бір тонның жағасы болма,
Көп көлдың ағасы бол!
Ақты ақ деп бағала, аумин,
Қараны карала
Өзегің талса өзен бойын жағала,
Басыңа іс түссе көпшілікті шағала.
Өзіңе-өзің кәміл бол.
— Халқыңа әділ бол,
Жауыңа қатал бол!
Досыңа адал бол!

Ілмектер: бата, дос, жау, адалдық, нақыл, афоризм, қанатты сөздер Төле би Әлібекұлы

---

---

Кішіпейілдік — қабілеті шақты адам үшін адалдық; қабілеті асып-тасыған адам үшін жасандылық.

Ілмектер: Кішіпейілдік, адалдық, жасандылық Артур Шопенгауэр

---

---

Адалдығына қарасаң, әулие ме дерсің, ерлігіне қарасаң, еркек пе деп қаларсың, Ұлпанды.

Ілмектер: адалдық, ерлік, нақыл, афоризм, қанатты сөздер, әулие, нақыл Ғабит Мүсірепов

---

---

Көңіл тазалығы мен адалдық — нағыз мәдениетті жанға тән қасиет.

Ілмектер: Көңіл, тазалық, адалдық, мәдениет, қасиет, нақыл, афоризм, қанатты сөздер Ханбибі Есенқарақызы

---

---