Өмір көп нәрсені өз еркіңнен тыс жасауға әсер етеді.

Ілмектер: өмір, ерік Станислав Ежи Лец

---

---

Өмірдің мәні ме? Қашан іздейтініңде.

Ілмектер: өмір, мән, іздеу, афоризм, қанатты сөздер, Ұлағатты сөздер Давид Самойлов

---

---

Бар өмірім өлеңмен өтсе менің,
Туған елді жырлауға жетсе лебім ...

Ілмектер: өмір, өлең, туған ел, туған жер, жыр, афоризм, қанатты сөздер Жарасбай Нұрқанов

---

---

Оқу — білім қазығы,
Адамның азығы.
Оқу өмірдің сәні,
Тіршіліктің шамы.

Ілмектер: оқу, білім, қазық, азық, нақыл, афоризм, қанатты сөздер, өмір Сәкен Сейфуллин

---

---

Өмір еңбексіз ештеңе бермейді.

Ілмектер: еңбек, өмір Гораций

---

---

Уақытты тоқтатар шамаң бар ма?
Бәрі өтеді: дәуірлер, замандар да.
Менің жаным ашиды мына өмірді,
Өтпейтіндей көретін адамдарға!

Ілмектер: уақыт, адам, Өмір, дәуір, заман Мұқағали Мақатаев

---

---

Өткен іске өкінбеу керек. Өмірден алған соққылардың бәрі маңызды емес. Маңыздысы – біздің еш нәрсеге мойымай, алға қарай ұмтылып, өмір сүріп келе жатқандығымыз.

Ілмектер: іс, өкініш, соққы, өмір Стивен Кинг

---

---

Адам болу — бір мәселе. Адам боп қалу — қиын мәселе. Ізгілік, адалдық, әділеттілік, шыншылдық — адамгершіліктің төрт құбыласы. Күшті адам – өзгелерді бағындыра алатын емес, өз-өзін ақиқатқа бағындыра алатын адам. Ал ақиқат дегеніміз: Аллаһ сөзі — Құран, оның шынайы мән-мағынасы, ғылыми дәлелі жоқ жалған сөздер емес. Ақиқат үшін күрес — дінді ғылыммен, ғылымды дінмен дәлелдеу жолындағы мәңгілік зерттеу. Өмір — сынақ жүргізетін зертхана.

Ілмектер: Адам, мәселе, қиындық, ізгілік, адалдық, әділеттілік, шыншылдық, адамгершілік, құбыла, күшті, бағындыру, ақиқат, Алла, Құран, мағына, өмірдің мәні, шынайы, ғылым, дәлел, жалған, күрес, дін, ислам, мәңгілік, зертхана, өмір, сынақ Нарша Булгакбаев

---

---

«Ата-ана берген тәрбие – өмірлік азық.»

Ілмектер: ата-ана, Тәрбие, Өмір Тлеуғабыл Шырайлым

---

---

Дүние — қайғы не қуаныш әкелмейді. Қайғы мен қуаныштың негізі — дүниені қалай түсінетінімізде. Сондықтан басымыздағы қайғыға Құдай да, өмір де, әлем де, табиғат та, тағдыр да, өзгелер де, тіпті шайтан да кінәлі емес. Нағыз кінәлі — өзіміз ғана. Ал қалғандары — тек себепкерлер. Кінәліні сырттан іздеу — адамның рухани әлсіздігінің көрінісі. Қайғы мен қуаныш, сынақ пен бақ — бәрі де біздің көзқарасымыздан, ішкі түйсігімізден, жүрек жылулығынан туындайды.

Күн де, жаңбыр да, түн де, таң да — өздігінен ештеңе білдірмейді. Біреу үшін күз — сағыныш, екіншісі үшін — тыныштық, ал үшіншісі үшін — түңілу. Сол сияқты, сәтсіздік — біреу үшін күйреу, ал екінші үшін — жаңғыру нүктесі. Жоғалту — біреу үшін азап, ал біреуге — шынайы бақытқа жол ашады.
Қиындық — біреудің үмітін сөндіреді, ал біреудің рухын оятады. Сол себепті өмірдің мәні — басыңнан не өткергеніңде емес, сол өткергендерге қандай мағына жүктегеніңде.

Әлем — айна. Ол саған өз шындығын емес, сенің ішкі шындығыңды көрсетеді. Жүрегің тыныш болса — әлем де саған тыныш көрінеді. Жүрегіңде алай-дүлей сезінсең. әлем жойқын дауылға айналады. Өмірдегі жағдайларға, оқиғаларға мағына беріп, оларды жүрекке жақын немесе жат ету — тек өзіміздің таңдауымыз.

Жүрегің тазарса — әлемің жарқырайды. Жаның тазарса — өмірің нұрға бөленеді. Өзіңмен тату болсаң — ешкімге жау болмайсың.

Барлығы (жақсылық та, жамандық та) өзімізден басталады. Барлығы (нәтиже мен қорытынды) өзімізбен аяқталады.

Ілмектер: дүние, түсінік, жүрек, қайғы, қуаныш, құдай, кінә, өмір, әлем, табиғат, өзге, шайтан Нарша Булгакбаев

---

---

Өмірде адам не көрмес: көтергенмен кеудесін - жақсыға жаман тең келмес.

Ілмектер: адам, өмір, жақсы, жаман Базар Оңдасұлы

---

---

Көру немесе өлу — екінің бірі! Көру дегенге бүкіл өмірдің бəрі сиып кетеді: толық болмаса да, негізінен.

Ілмектер: көру, өлім, өмір Пьер Тейяр де Шарден

---

---

Өмір атты соғыс алаңында бір секунд та жоғалтпай, бірден өз орныңа табан тіре.

Ілмектер: өмір, соғыс. секунд, орын, табан, нақыл, афоризм, қанатты сөздер Уинстон Черчилль

---

---

Өмiр ойын сияқты: бiреулер оған — жарысуға, басқалар — саудаласуға, ал ең бақыттылары — көруге келедi.

Ілмектер: өмір, жарысу, сауда, бақыт, нақыл, афоризм, қанатты сөздер Пифагор

---

---

Қарт жақсы жас жақсысын күндемеген.

Ілмектер: қарт, қарттық, жас, күндеу, өмір Шал Құлекеұлы

---

---

Әр адамның өмірінде бір рет болса да тағдыр тәлейі оның есігін қағады, бірақ ол кезде адам жақын маңдағы сыраханада отырған болуы мүмкін, сол себепті ешқандай тақылды естімейді.

Ілмектер: Өмір, бақ, тағдыр, жолы болу, сәті түсу, ісі оңбау, жолы болмау Марк Твен

---

---

Өмірдің қас жауы — қайғы мен зерігу.

Ілмектер: өмір, жау, қайғы, зерігу Артур Шопенгауэр

---

---