Аш итке ас берсең,
Анаңа тартқаның.
Жаяуға ат берсең
Атаңа тартқаның.

Ілмектер: ата, ана, отбасы

---

---

Ұрыспай айрылған
Ұялмай қосылар.

Ілмектер: отбасы

---

---

Екі қатын алғаның —
Өзіңді отқа салғаның.

Ілмектер: қатын, үйлену

---

---

Қарыздан да қатын ал,
Қатының қалар жаныңда.

Ілмектер: үйлену, отбасы

---

---

Қатын мен қатын
Құдық басында кездесер,
Су мен отын
Ошақ басында кездесер.

Ілмектер: қатын, отбасы

---

---

Қатының жақсы болса — шырағың,
Атың жақсы болса — пырағың.

Ілмектер: қатын, отбасы

---

---

Бардың қатыны өлсе,
Төсегі жаңғырар.
Жоқтың қатыны өлсе,
Басы қаңғырар.

Ілмектер: үйлену, отбасы, қатын

---

---

Жалқау қатынның төсегі
Тал түске дейін жиылмас.

Ілмектер: қатын, отбасы

---

---

Олақ қатынның пісірген сүті іріп кетер,
Илеген терісі шіріп кетер.

Ілмектер: қатын, отбасы

---

---

Жақсы әйелдің қолы ұзын,
Жаман әйелдің тілі ұзын.

Ілмектер: әйел, отбасы

---

---

Ұл таппас қатын болмас,
Тұрарын айт.
Мал таппас жігіт болмас,
Құрарын айт.

Ілмектер: қатын, жігіт, отбасы

---

---

Байсыз қатын — баусыз оймақ.

Ілмектер: үйлену, отбасы, қатын

---

---

Салақ қатынның үйінен,
Сабақты ине табылмас.

Ілмектер: салақ, отбасы, қатын

---

---

Көшерде жұрт жаман,
Айрыларда әйел жаман.

Ілмектер: әйел, отбасы

---

---

Бір үйде екі әйел болса — ойран,
Бір үйде екі сиыр болса — айран.

Ілмектер: әйел, отбасы, үйлену

---

---

Жақсы жұбай — жарым бақыт.

Ілмектер: отбасы, бақыт, жұбай

---

---

Ер жігіттің аты жақсы болса бір бақыт,
Алған жары жақсы болса мың бақыт.

Ілмектер: үйлену, отбасы

---

---

Қатыны жоқ,
Ханның қызын алам дейді.

Ілмектер: қатын, отбасы

---

---

Қатынның қоры — табашыл,
Еркектің қоры — тобашыл.

Ілмектер: қатын

---

---

От жақпаған үй — қорамен тең,
Кісі кірмеген үй — моламен тең.

Ілмектер: үй, отбасы

---

---