“Жас Алаш” Ұлттың сөзін сөйлеуден таймаған басылым.

Қазақстан журналистикасының тарихында өзіндік орны бар басылымдардың бірі –  «Жас Алаш» газеті. Ұзақ жылдар бойы қоғамдағы маңызды мәселерді көтеріп, елдің саяси, әлеуметтік және мәдени өміріне әсер етіп келе жатқан бұл басылым ұлттық ақпарат кеңістігінің ажырамас бөлігіне айналды.

Тарихи тамыры терең басылым
«Жас Алаш» алғашқы рет ХХ ғасырдың басында қалыптасқан жаңашыл идеялардың, ұлттық көзқарастардың, жастар қозғалысының үні болды. Алғашқы редактор Ғани Мұратбаев,жауапты хатшысы І.Жансүгіров болды.Газеттің атауы да сол кезеңдегі жігерлі жастың рухын, елдік мүддеге адалдықты білдіреді.Гүлденген газеттің алғашқы атауы «Жас Алаш» болса одан кейін «Жас Қайрат», «Өртең», «Жас Қазақ» деген атаулармен атаған.Газеттің жабылып қалмауын ойлаған С.Сәдуақасов,А.Байтұрсынов,Б.Майлин, С.Сейфуллин,М.Әуезов,Ж.Аймауытов қазақтың бір туарлары «Лениншіл жас» атымен шығара бастады.
Уақыт өте келе басылым түрлі тарихи кезеңдерді басынан өткеріп, қоғаммен бірге жаңарып отырды. Сындарлы жылдарда да​ шындықты айтуға талпынып, әділ ақпарат таратуға ұмтылды.
Қоғамдық пікір қалыптастырудағы рөлі
«Жас Алаш» әрқашан қоғамдық пікірдің айнасы бола білді. Газет бетінде:Әлеуметтік мәселелер,саяси оқиғаларға талдау,білім, ғылым, мәдениет саласындағы жаңалықтар,жастардың көзқарасы кеңінен талқыланып келеді.Содай-ақ басылым тәуелсіз ойдың, ашық пікірдің мінберіне айналып, қоғамдағы мәселелерді батыл көтеруімен ерекшеленеді.

Журналистік мектеп және жаңа буын.
«Жас Алаш» қазақ журналистикасына көптеген таланты қаламгерлерді тәрбиелеп шығарған мектеп іспетті.
Бауыржан Омаров «Төртінші билік» кітабындағы «Шерағаңның шекпенінен шыққан», «Сейдағаңның соқпағынан өткен» деген тіркес қалыптасқан.Бұл қос редактордың бұрын соңды қайталанбаған өзгеше редакторлық мектебінің бір белгісі.
Оның редакциясынан өткен тілшілер кейін республикалық деңгейде танымал журналист,сарапшыларға айналды.Тайға таңба басқандай атап өтетін қалың қолдың ішіндегі:Мұхтар Шаханов,Фариза Оңғарсынова, Ақселеу Сейдімбек,Уалихан Халижанов, Кәдірбек Сегізбаев.
Бүгінде басылым заманауи медианың талаптарына сай онлайн-нұсқасын дамытып, жастарға жақын форматта ақпарат ұсына бастады.
«Жас Алаш» – тек газет емес, бірнеше буынның санасына әсер еткен, ұлттық журналистиканың қалыптасуына үлес қосқан қоғамдық құбылыс. Қоғамдағы өзгерістерге бейімделе отырып, басылым әлі де өз оқырмандарын ойландыратын, толғандыратын, шынайы ақпаратпен қамту миссиясын жалғастырып келеді.

Амина ОРЫНБАСАР. Әл-Фараби атындағы Қазақ Ұлттық Университеті 1-курс студенті.

Ғылыми жетекші:фил.ғ.к.доцент Р.С.Жақсылықбаева.

Әлеуметтік желілерде бөлісіңіз: