Бауыржан Момышұлы
Батыс майданындағы 16 армияның 316 (1941 жылдың қарашасынан бастап 8-гвардиялық Қызылту атқыштар дивизиясы 1073 атқыштар полкінің (1941 жылдың қарашасынан 19 Гвардия полкі) және батальон командирі. Ұлы Отан соғысына генерал-майор И.В. Панфилов басқарған әйгілі дивизиясының құрамында 1941 жылдың қыркүйек айынан бастап қатысты. Батальон командирі ретінде аға лейтенант Бауыржан Момышұлы Москва үшін шайқаста 207 рет ұрысқа қатысты. 1941 жылдың 16-18 қараша күндері вермахтың Мәскеу бағытында екінші мәрте жасаған жорығы кезінде аға лейтенант Момышұлы басқарған батальон дивизиядан қашықта, Матронино деревнясының жанында Волоколамск тасжолында асқан ерлікпен ұрыс жүргізді. Білікті комбаттың басшылығы арқасында 3 күн бойы фашистер шабуылын тойтарып, батальон үлкен шығынсыз, ұрысқа қабілетті жағдайда қоршаудан шығады.
Туындылары Өлеңдері Нақыл сөздері
Әр адамның мінезі – астындағы тұлпары. Соның ағынымен адамдар өмірден зымырап өтіп жатады.
Ілмектер: мінез, тұлпар, адам, өмір Бауыржан Момышұлы
Ойлы бастық ұқыпты қызметкерді адам етеді.
Ілмектер: бастық, надан, маман, ой, қызметкер Бауыржан Момышұлы
Ойсыз бастық оқып келген маманды надан етеді.
Бақаның бағынан, сұңқардың соры артық.
Ілмектер: бақа, сұңқар, сор, бақыт Бауыржан Момышұлы
Жаудан қашып емес, қорғанып және шабуылға шығып құтыла аласың.
Ілмектер: жау, қашу, шабуыл, қорғану Бауыржан Момышұлы
Тәуекелсіз – жеңіс жоқ.
Ілмектер: тәуекел, жеңіс Бауыржан Момышұлы
Ұлттық мақтаныш – сол ұлттың адамы үшін қасиетті әрі бұзылмас заң.
Ілмектер: ұлт, мақтаныш, қасиет Бауыржан Момышұлы
Ұрлық, опасыздық – бұл ұлттық дәстүрлер емес, ұлттың ішінде көркеуделік.
Ілмектер: ұрлық, опасыздық, дәстүр Бауыржан Момышұлы
Өзінің ұлтын сыйламаған, ұлтын мақтаныш тұта да алмайды, ол сөз жоқ арамза, тексіз әрі қаңғыбас.
Ілмектер: ұлт, сыйлау Бауыржан Момышұлы
Ақылдың артықтығы, кеңестің көптігі жоқ.
Ілмектер: ақыл, кеңес Бауыржан Момышұлы
Терлеп еңбек етпегеннің тілегіне жеткенін көргенім жоқ.
Ілмектер: еңбек, тілек Бауыржан Момышұлы
Адамды бұзатын не? Тағы сол атақ, ақша, арақ. Осы үшеуі. Төртіншісі әйел демеймін. Алғашқы үшеуінің буына бөртіп, әйелдерді біз - еркектер бұзамыз. Қартайғанда адам соқа басы сорайып жалғыз қалады. Өйткені қыз күйеуге кетеді, ұлды келін әкетеді. Сонда сенен атақ, ақша, абырой, бала - бәрі безгенде, қыңқ етпестен қалқайып қасыңда қалатын бүкіш кемпірің ғана болады. Адам боп сүрген аз дәуреніңді - елу жас па, жүз бе, бәрі бір оны - аяқтап, мәңгі келмеске бірге аттанар сенімді серігің де сол! Сол жалғыз серігіңе өмірде адал болмағаның өзіңе ауыр, одан айырылып, жалғыз қалғаның одан да қиын! Мұны еркектер ойлауы керек!
Ілмектер: адам, ақша, атақ, арақ, әйел Бауыржан Момышұлы
Адал болмай азаматпын демегін.
Ілмектер: адал, азамат Бауыржан Момышұлы
Отан үшін отқа түс - күймейсің.
Ілмектер: отан Бауыржан Момышұлы
Ұлыны ұлы ұғады, дананы данышпан ғана түсінеді.
Ілмектер: ұлы, дана, данышпан Бауыржан Момышұлы
Кір-қоқыс адамды аздырып, тоздырады.
Ілмектер: кір, қоқыс, адам, тоздырады Бауыржан Момышұлы
Жақсы командир жауынгерін зор етеді,
Ілмектер: жақсы, жаман, командир, жауынгер, офицер, зор, қор Бауыржан Момышұлы
жаман командир офицерін қор етеді.
Әділдікті мойындау — адал кісінің ісі.
Ілмектер: әділдік, мойындау, адал, іс Бауыржан Момышұлы
Үйрете отырып, үйрену ғана жеміс береді.
Ілмектер: үйрету, үйрену, жеміс Бауыржан Момышұлы
Шындық – бұл ерлікке тәрбиелеудегі ең бір құнарлы құрал.
Ілмектер: шындық, тәрбие, құрал Бауыржан Момышұлы
Әрбір азамат өз ұлтын сүюге тиіс және өз ұлтына деген терең сүйіспеншілігі мен мақтаныш сезімі арқылы басқа ұлттарды танып, құрметтеп, оларды сүйе білуге тиіс.
Ілмектер: азамат, ұлт, сүю, сүйіспеншілік, мақтаныш, құрмет Бауыржан Момышұлы
Ел үшін аянба – ерлігіңе сын,
Ілмектер: ел, жұрт, ерлік, жігіттік Бауыржан Момышұлы
Жұрт үшін аянба – жігіттігіңе сын.
Өз ұлтын сүю - өзге ұлтты жек көру емес.
Ілмектер: ұлт, сүю, жек көру Бауыржан Момышұлы
Білмей тұрып билік айтудан аулақ болғын.
Ілмектер: билік Бауыржан Момышұлы
Анамыздың ақ сүтімен бойымызға дарыған тілімізді ұмыту – бүкіл ата-бабамызды, тарихымызды ұмыту.
Ілмектер: ана, тіл, тарих Бауыржан Момышұлы
Үмітін жоғалтқан жан, ешқашан үміттеніп көрмеген жан.
Ілмектер: үміт, жан Бауыржан Момышұлы
Азамат жолы — ар жолы.
Ілмектер: ар, азамат Бауыржан Момышұлы
Арлы адам — ардақты, ар — ардақтың анасы.
Ілмектер: ар, адам, ардақ Бауыржан Момышұлы
Әр іс - әрекеттің тууына түрткі болар себеп бар. Адамның әр қарекетінен оның жан дүниесінің сыры аңғарылады.
Ілмектер: іс, жан дүние, себеп Бауыржан Момышұлы
Әркімде аяушылық сезімі болуы керек. Аяушылық сезімі жоқ адам қауіпті.
Ілмектер: аяу, сезім, адам Бауыржан Момышұлы
Орынды іске, пайдалы қаталдыққа ешкім өкпелемейді.
Ілмектер: іс, қаталдық Бауыржан Момышұлы
- Төлепбек Жантай
- Есбол Бозан
- Виктор Франкл
- Оразбай Сарыбаев
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі