Өлең, жыр, ақындар

Ұйықта, бөпем

  • 28.07.2019
  • 0
  • 0
  • 4049
Әнін жазған Әбиірбек Тінәлі

Күлкің сенің таң нұрындай арайлы,
Тереземнен сәуле болып тарайды.
Мойныма сен еркелеп кеп асылсаң,
Болашағым бақытымдай қарайды.

Қайырмасы:
Ұйықта, күнім, бөбегім,
Анаң айтсын өлеңін.
Ұйықта, ұйықта, балашым,
Әлдилеуде анашың.
Бейбіт күнде өмір сүрген,
Бақытты бір баласың!

Анаң отыр өзің үшін ән құрап,
Айналайын бал бөбегім – бал құрақ.
Неткен ғажап, неткен сұлу тыныш түн,
Сен жатырсың құшағыңда балбырап.

Қайырмасы.

Анаң отыр бесігіңді тербетіп,
Еш қызық жоқ сенен басқа менде түк.
Аялаймын, аймалаймын, жан балам,
Қашан адам болғаныңша ер жетіп.

Қайырмасы.



Пікірлер (0)

Пікір қалдырыңыз

Көрінгенмен кезінде ұсталығым

  • 0
  • 0

Көрінгенмен кезінде ұсталығым,
Бола аламын кідерге нұсқа бүгін?
Азды күнгі қызыққа алданумен,
Аңдамаппын өмірдің қысқалығын.

Толық

Абайдың ізімен

  • 0
  • 0

Мен жазбаймын өлеңді түйілгеннен,
Уытты сөз шығады күйінгеннен.
Қыран бүркіт секілді қайқаң етіп,
Шарықтаймын шағымда күйім келген.

Толық

Ерден атай

  • 0
  • 0

Ерте, ерте, ертеде емес,
Ел білмейтін өлкеде емес.
Егеменді елімізде,
Жерұйықты жерімізде

Толық

Қарап көріңіз