Гүлманат Әуелхан

Баса алмай кеудемдегі жарылысты

Бұл бетте «Баса алмай кеудемдегі жарылысты» атты Гүлманат Әуелхан жазған өлеңнің мәтіні берілген. Өлең тексті, өлең жолдары және толық нұсқасы осы жерде жарияланған.

03.02.2021
0
0
685

Баса алмай кеудемдегі жарылысты,
Көңілдің көгершіні тағы да ұшты.
Кірпігімді тіреу ғып көтеремін,
Кілкіген көзімдегі сағынышты.

Дархандық сыйлар маған дала мынау,
Өртеніп әлі талай жанамын - ау.
Байлаусыз ғұмырыңның жетегінде,
Тайлақтай бұйдалаған барамын- ау.

Жазсам деп көп құлшындым сетер өлең,
Тәңірге жүректегі төтелегем.
Бақыттың қайда екенін табам іздеп,
Бір сиқыр мені көкке жетелеген.

Шешен жыр елдің жағын аштырмаған,
Бажа өмір қалжыңы көп бас тырнаған.
Қой мінез қоңырлығым кетті қашып,
Азуын ақситқанда қасқыр ғалам.

Гүлманат Әуелхан сағыныш баса алмай кеудемдегі жарылысты Гүлманат Әуелхан өлеңдері

Пікірлер (0)

Пікір қалдырыңыз

Жиі қойылатын сұрақтар