Өлең, жыр, ақындар

Тектіні көріп тебінген

  • 02.05.2021
  • 0
  • 0
  • 579
Тектіні көріп тебінген,
делебем қанша қозғанмен,
жаралды дейтін темірден,
жүйке де бүгін тозды әбден!
Шағылды тауым,
шаршап құр,
шалдығып шалғай жолда мен,
Ару да құштым аңсап бір,
амалым қанша —
болмады ем...
Арғымақ-ойым ұшты алға,
бауыры бірде жазылып.
Озам ба деген тұстарда,
алдап бір соқты аз үміт.
Тұрмады баста назды ұғып,
тұрлаусыз бағы аз күндер,—
азғырмас жерде — азғырып,
жазғырмас жерде жазғырды ел.
Шабдарға шабан қамшы ұрып,
малшынып терге терлігім,
кешегі күшік қарсы үріп,
жаншыла бердім мен бүгін!
Жанымды жайлап бір секем,
жапыра бәрін ормай тіл,
Өлең де бүгін кіл шетен,
өмірі ұзақ болмай тұр.



Пікірлер (0)

Пікір қалдырыңыз

Қазақы дәстүр

  • 0
  • 0

Кіріңіздер!
Берірек жүріңіздер,
Ауыл-аймақ аман ба?
Осы күні

Толық

Текті де едім

  • 0
  • 0

Текті де едім,
кешелер бетті де едім,
билікке де біршама жетті қолым,
Ақылым да бар еді (кімге бірақ

Толық

Албан Асан ескерткішіне

  • 0
  • 0

Армысың, Қарасаздың қалың елі,
Бармысың салқын самал, сары белі!
Жансүгір Ілиястың жерлесі едім,
Жатсынбай, жақсы ұлым деп таны мені!

Толық

Қарап көріңіз