Өлең, жыр, ақындар

Өле сүйем мен өзіңді, өмірім!..

  • 17.09.2021
  • 0
  • 0
  • 342
Тәңірім!
Екі болып көрді ме екен әмірің?
Махаббаттың мазағына ұшырап,
Қасыреттің илеп жүрмін қамырын.
Жолын тостым жақсылықтай жаршының,
О, адамдар!
Осы менің – бар шыным.
Мұңмен егіз тусам керек мен, тегі,
Шаттық маған шашып кетті шалшығын.
Тағдырыммен мені күтіп тұр егес,
Көз алдымда – сағымдайын бір елес.
Сені аңсаумен қарайлаймын артыма,
Күндерім-ай, күлегеш.
... Адалдыққа құшақ болып – жайғаным,
Бірақ мен де тура жолдан таймадым.
Қара өлеңмен салып қалдым қарына,
Қалқығанды, қасиеттің қаймағын.
Келер күннен тосын сыйды тос ерен,
Түбінде бір көгерер-ау көсегең.
Бір сыр айтам, егер маған сенсеңіз,
Жанарымды сүрткен менің осы өлең!
Бермесең де тәкаппардың көңілін,
Өршілдіктің кезем ұдай өңірін.
... Өзегіме жабыса бер, өзің біл,
Өле сүйем мен өзіңді, өмірім!..



Пікірлер (0)

Пікір қалдырыңыз

Тіршілік

  • 0
  • 0

Құлата да салатын,
Жылата да салатын-
ТІРШІЛІК.
Қуанта да салатын,

Толық

Әйел қолы...

  • 0
  • 0

Есіркейтін, аздап жақсы көретін,
Жұбататын, әр кез жәрдем беретін.
Өзі жеңіл, өзі салқын әрдайым,
Әйел қолы жасайды ердің бар жайын.

Толық

Оғыланды отқа сап отыз жеті...

  • 0
  • 0

Құсаланып көңілдей құба белім,
Қайғы жұтып, ішінен тынады елім.
Оғыланды отқа сап отыз жеті,
Орға жықты рухтың Құлагерін.

Толық

Қарап көріңіз