Өлең, жыр, ақындар

Қош бол...

  • 17.09.2021
  • 0
  • 0
  • 952
Қош бол, қыр, бетегелі,
Мені өлең тым алысқа жетеледі.
Ұлытау!
Бағым ерен,
Қош болғын, сағынғанда тағы келем.
Қош болғын, ерке өзенім,
Сағыныш сырларының шерт еренін.
Ақ қайың!
Мұңаймашы,
Оралам, бітсе өмірдің сын – айласы.
Беткейлер, бүлдіргенді,
Жазбапты тағдыр бізге бір жүргенді.
Аман бол, жазық далам,
Ол жаққа сен жайлы жыр жазып барам.
Бастауы сен едің ғой – даналықтың,
Қош, ауыл, бал бесігі – балалықтың.
... Мен кеткем осылайша ауыл жақтан,
Тірлікке неге асықтым дауылдатқан?
...Жүргенде жүрегімнен мұң арылмай,
Өлеңім...
Туған жердің тұмарындай.
Сипайды сор баттасқан маңдайымнан,
Егізім, тағдырласым, сыңарым-ай!..



Пікірлер (0)

Пікір қалдырыңыз

Сүйемін сені

  • 0
  • 0

Сүйемін гүлді,
Бөліскен менімен сырды,
Аялап тұратын жырды.
Сүйемін көкті,

Толық

Келіңдер, құлыншақтар, құшақтайын..

  • 0
  • 0

Шаттықтың Шалқұйрығын тұсадың да,
Берілдің бесігіңде құса-мұңға.
Жалғанның желі сені тоңдырды ғой,
Кел маған, алайыншы құшағыма.

Толық

Қайтарым...

  • 0
  • 0

Адамзаттың зерттеп көрші мінезін,
Жаратқаннан кем санайды кім өзін?!
Бір-бірімен алысудан жалығып,
Іштей өзі жанығып,

Толық

Қарап көріңіз