Өлең, жыр, ақындар

Шаттық селі

  • 03.11.2021
  • 0
  • 0
  • 699
Тәуелсіз күнім түзеп қаталықты,
Елбасы Абылай ханнан бата алыпты.
Кешегі «Щучинский» деген аудан
Бурабай ауданы боп аталыпты.
Бураны шортан десе таңғалушы ек,
Шыдадық, бала күннен аңғарушы ек.
Алланың берген атын бұйыртпаса,
Білдірмей іштен тынып, зар қағушы ек.
Құттықтап «Гәккулетсек» әнші дайын,
Алтын күз – ақ бидайлы күйші дайын.
Аққу­қаз сексен көлден саңқыл қақса,
Аямас бар өнерін биші қайың.
Ойымды құтты аймаққа бұра бердім,
Келбеті көлде ойнады құба белдің.
Қуандым айдан анық көрінгендей
Ор болып қалған ізі Құлагердің.
Қыздарса жан­жүректі жаңа жалын,
Дербестік жеңісі деп бағаладым.
Сүйінші сұрар бүгін Біржан салдан
Бақида Сәкен, Мағжан ағаларым!

08.09.2009.
Астана



Пікірлер (0)

Пікір қалдырыңыз

Қос жұлдыз

  • 0
  • 0

Қос жұлдыз - Кәкімбек Салықов
Жұмақтың құсы сайраған,
Егіз шоқ гүлдей қырмызы.
Жәния, Айман – жайнаған

Толық

Есіл мен Көкше – бауырлас

  • 0
  • 0

Есіл мен Көкше – бауырлас
Есіл ортақ, Көкше ортақ
Бауырлас асыл аймаққа.
Кәкімбек Салықов

Толық

Сүймей-ақ қой ақынның мақтаншағын

  • 0
  • 0

Сүймей-ақ қой ақынның мақтаншағын,
Бірақ сені жасқантпас шалқар шағым.
Не десең де мен өлең оқи келдім,
Кәкімбек Салықов

Толық

Қарап көріңіз