Ай сияқты бейкүнә бола алмадым

Ай сияқты бейкүнә бола алмадым,
Көлеңкем де түн кезер Айға ілесіп...
Кірпігімнің желкені жағалауда,
...Жанарымда дірілдеп Ай сәулесі.

Бола алмадым жап жасыл жапырақтай
Ай иегін сипаған.
Тәнім әлсіз –
жасы тамған өмірдің, топырақ па?..
...Ештеме жоқ өмірде мағынасыз.

Күміс нұрға қанаты малшынып ап
Ұшып, қонад жапырақ.
Бақ қарайған...
Іле салып тәнімді тал шыбыққа
Айға айналып кетер ме ем,
аппақ Айға!..

---