Өлең, жыр, ақындар

Шоқ қайыңның сыбыры

  • admin
  • 01.01.2025
  • 0
  • 0
  • 505
Ақ құбақан ақ қайың аппағын-ай,
Жерге күміс төгіп тұр, тасқа шырай.
Ақ інгеннің қасына шөккен нардай,
Көз ұшында Жалғызтау жатқанын-ай.
Ақ білектер жалғасып, біріктеліп,
Ақ балтырлар бұлқынып іріктеліп,
Шоқ қайың тұр көрші ауыл қыздарындай,
Сыбырласқан бірдеме біліп келіп.
– Қасыңдағы кім? – дейді секпіл қайың,
Тез өзгертіп тоқыған кетті жайым.
– Бізден артық жоқ екен ештеңесі, –
Деп біреуі күрсініп етті уайым.
– Ауыл қызы – аяулы қарындасым,
Көрші ауылда ағайын, бауырласым.
Қызылжарлық қазақтың қызын алдым,
Беу, құрбылар, бастарың ауырмасын!
Студенттік күндердің әсері еді,
Ол Мәскеуде бар қыздың әсемі еді.
Ақ қайыңдай, аумайды өздеріңнен, –
Дегенімде біреуі:
– Бәсе!.. – деді.

2010



Пікірлер (0)

Пікір қалдырыңыз

Біздің ауыл қыздары

  • 0
  • 0

Біздің ауыл қыздары
Көрші қызбен ерте ойнап, ерте күлдік,
Естеліктер аз емес ерке күндік.
Кәкімбек Салықов

Толық

Кездессе оқыс қуаныш

  • 0
  • 0

Кездессе оқыс қуаныш,
Жетелеп бақыт жол бастар.
Жұлдыздай жанған тым алыс,
Аңсатқан арман көз тастар.

Толық

Қарағанды жаңа театрын көргенде

  • 0
  • 0

Қарағанды жаңа театрын көргенде
Жырсыз өтпес көрген қазақ ақыны,
Тамаша екен Қарағанды жаңа театры.
Кәкімбек Салықов

Толық

Қарап көріңіз

Басқа да жазбалар