Өлең, жыр, ақындар

Өзбекке

  • 22.03.2019
  • 0
  • 0
  • 2497
Өзбек, бауырым!
Өз қанымсың,
Туысқанымсың,
Мәрт досымсың,
Меһірбанымсың!
Ақ тақырға алтын өсірген,
Ғажап зәргарымсың,
Тауларды қолыңмен көшірген
Алып палуанымсың.
Өзбек, досым!
Мен саған келдім.
Қазақ елінен келдім.
Орманымның жапырағынан бай,
Жерімнің топырағынан бай,
Күнімдей жарық,
Жазымдай жайдары
Халқымның сәлемін әкелдім!
Өзбек, досым!
Mен саған келдім.
Қазақ жерінен келдім.
Биік тауларымдай
Жүйрік дарияларымдай,
Терең теңізімдей,
Кең аспанымдай,
Халқымның сәлемін әкелдім!
Қабыл ал, досым,
Қабыл ал бәрін:
Қазағымның дауылдай сәлемін ал.
Найза ойнатқан,
Жауға шапқан,
Қара жерді дүбірімен қалтыратқан,
Домбырада күркірер күй қып тартқан
Жігітімнің өнерін ал.
Қыздарының
От болып жанған
Жас болып тамған,
Сүйген жарларына ғашықтығын айтқан
Өлеңін ал!



Пікірлер (0)

Пікір қалдырыңыз

Правдаға

  • 0
  • 1

Мен бала едім тұңғыш сені көргенде,
Тұңғыш рет тіліңді ұға білгенде.
Сен, қаралы көз жасыңмен естірттің
Әкем менің - ұлы Ленин өлгенде.

Толық

Жындылар туралы

  • 0
  • 0

Неге мистер Форрестол жынданды екен,
Қандай ауру кез келген оған төтен...
Құралды әскер «құдіретті» министрін
Темір тормен қоршалап қойған бекем.

Толық

Алпысқа келгендегі сөз

  • 0
  • 0

Байқаймын, Осынау мол топқа ағамын,
Ал мына үркердей аз шоққа інімін,
Жисырман: қуансам ентігіп те қаламын
Көрсеткім келгендей қарттықтың ырымын.

Толық

Қарап көріңіз

Басқа да жазбалар