Мақал-мәтелдер

Алыссаң — атаң болса да жық,
Аясаң, көтеріп жібер.

Ілмектер: ата, батыр, қайсарлық

---

---

Жауға жаның берсең де
Сырыңды берме.

Ілмектер: жау, сыр

---

---

«Ырит шу» деген атанға демеу,
«Әуп» деген ерге демеу.

Ілмектер: ер

---

---

Бас болмақ оңай,
Бастамақ қиын.

Ілмектер: бас, қайсарлық

---

---

Баланың сегізінде тісі түседі,
Сексенінде ердің ерге ісі түседі.

Ілмектер: бала, ер

---

---

Жалаң аттың жалымен,
Жалаң қылыш жүзімен.

Ілмектер: батыр, қайсарлық

---

---

Ер арыса — аруақ,
Ат арыса — тулақ.

Ілмектер: ер

---

---

Батыр ортақ
Бақ жалқы.

Ілмектер: батыр

---

---

Тәуекелдің кемесі
Суға салса, батпайды.

Ілмектер: тәуекел

---

---

Алыстан ердің дәрібі бар,
Қасына келсең, баладай.
Алыстан таудың дәрібі бар,
Қасына келсең, обадай.

Ілмектер: ер, бала

---

---

Тәуекел тау жығар.

Ілмектер: тәуекел

---

---

Ер айтпас,
Айтса, қайтпас.

Ілмектер: ер

---

---

Жоқшылық жомарт ердің
Қолын байлар.

Ілмектер: жомарт, ер, жоқшылық

---

---

Ер жігіт үйінен шықса, үйіріне қосылар.

Ілмектер: ер, үй

---

---

Ер басына күн туса,
Ереуіл атқа ер салар.

Ілмектер: ер

---

---

Ел — ырыстың орманы,
Ер — ырыстың қорғаны.

Ілмектер: ер, ел, ырыс

---

---

Ер жолдасы — тәуекел.

Ілмектер: ер, тәуекел

---

---

Ырысқа қарай, ер өсер,
Қонысқа қарай, мал өсер.

Ілмектер: ырыс, ер, қоныс, мал

---

---

Ер жаңылып қолға түсер,
Құс жаңылып торға түсер.

Ілмектер: ер

---

---

Ерді жаяулық емес
Қаяулық аздырады.

Ілмектер: ер, жігіт

---

---