Жаңылтпаштар жинағы – 11-бет
Ақынның батылдылырағын айт,
Батырдың ақылдылырағын айт.
Ұстаздың сабырлылырағын айт,
Шәкірттің алғырлылырағын айт.
Мен шоң ба сонда, сен шоң ба?
Кім кіші, шоңы кім сонда?!
Менің нем кем деп ең,
Бер үйді ең кең деген.
Бер үйді ең кең деген,
Менің нем кем деп ең?!
Шірік сырық,
Қырық құрық па?
Қырық сырық,
Шірік құрық па?
Тымақ киіп қасқа басқа,
Міндім мен басқа қасқа.
Әсірелеңкіреген екен
Демеңіз,
Аса ірілеңкіреген екен
Денеңіз.
Әлсіреңкіремей
Денеңіз,
Әсірелеңкіреген
Демеңіз.
Ісіңе сен кеш кіріссең,
Тындырмайсың еш бір іс сен.
Қазанда шұжық жүр,
Үш шұжық жүзіп жүр.
Шұжықшыл Жүсіп жүр,
Шұжықты сүзіп жүр.
Қаусатып
Құс атып
Үш жыл,
Түсірдім жүз шажа, жүз шіл.
Тостақтан іші кіші
Tic қаққан күшік ішіп,
Бос уақта тісі қышып.
Шөжем деп шешесі бәйік,
Шешем деп шөжесі бәйік.
Шешесі шөжем жесін дейді,
Шөжесі шешем жесін дейді.
Балаңа
Алша
Алса
Болады?
Дорбаңа
Қанша
Алша
Салса
Толады?
Көш
Кеш келді.
Бес
Ешкі өлді.
Шеше,
Кеше
Неше
Есе
Кесе
Көп алдыңыз?
Шеше,
Кеше
Неше
Есе
Кесе
Кем алдыңыз?
Көрмеген үш қыс
Көкеңді ұшқыш
Құшақтап қыс, құш,
Құш, қыс!
Құрысын шу!
Құрысын шу!
Жетеді бір ішім су,
Бетіңнің шырышын жу!
Шамалы шыршасы шырайлы,
Шынары шінәра ұшырайды.
Шемішке шақсаң шақ,
Шапшаң шақ.
Шөбіңді шапсаң шап,
Шапшаң шап.
Aлмa тepiп бaлaқaйлap,
Aлaқaйлap,
Taлaпaйлap.
Ақ шар бар,
Көк шар бар,
Көп шар бар,
Төрт шар бар.
Ала қарға қарға қонды,
Қара қарға жарға қонды.
Мұртты мұртын сүртті,
Мұрттыны біреу түртті.
Бұл қар – сұр қар
Сұр қар – кір қар
Үстінде ойнама,
Үстіңді былғар.
Қыс қыспаса, қыс па?
Құс ұшпаса, құс па?
Қар аппақ, дала аппақ-бәрі аппақ....
Қаспақ,
Қаспақ
Толық тостақ.
Асқат жеді
Қаспақ.
Тостақ толы
Қаспақ
Жақсы-ақ!
Үміт түбіт түтті,
Түбітті түтіп бітті.
Бұл піл
Ол пілге ұмтылды.
Ол піл
Ол пілге ұмтылды.
Бұл пілге ұмтылды.
Бір піл іркілді,
Бұл піл іркілмеді.
Көсе көсеге көсеу көрсетті,
Көсе көсеге неше көсеу көрсетті?
Көсенің көсеге көрсеткен
Көсеуі – бесеу.
Масаны шыбын шақты,
Маса масаға мұңын шақты.
Құлыншақты да шыбын шақты,
Құлыншақ бұрын шапты.
Кілт іздеген қара шал,
Бұлт іздеген Бағашар.
Бұлт іздеген жараспас,
Кілт іздеген жарасар.
Жарда қарға қарқылдады,
Қарға жарда қарқылдады.
Расында жарда,
Қара қарға қарқылдады.
Қазанға ас салмақшы еді,
Азанда ас қамдамақшы еді.
Бірақ, қазанға ас сала алмадым,
Азанда ас қамданылмады.
«Канадаға да барам » -- деп,
«Панамаға да барам» -- деп,
Канада да бара алмай,
Панамаға да бара алмай,
Маман аға Саваннаға кетті!
Көкен көсіліп сөйледі,
Көшен оған қосылып сөйледі.
Көшен оған қосылып сөйлеген соң,
Көкен тосылып сөйледі.
Он бөгелекке,
Он көбелек келіп қосылды.
Он бөгелек он бөлек,
Он көбелек он бөлек кетті.
Циркте қонжық қоңжықты он жықты,
Он жыққан қоңжық шоң мықты.
Он жығылған қоңжық көндікті.
Шабан атты тағалаттым,
Тағалаттым да,
Шабан атты,
Өзенді жағалаттым.
Қырықтықта қырық қой қырықтым,
Қырық қой қырыққан соң
Менен қырық қой үрікті.
Гүл өсірген дұрыс па?
Ұл өсірген дұрыс па?
Тіл өсірген дұрыс па?
Құры есірген дұрыс па?
- Бенедикт Спиноза
- Ясунари Кавабата
- Мұстафа Шоқай
- Абай Құнанбайұлы
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі