Жаңылтпаштар жинағы – 8-бет
Дегелек-ау, дегелек,
Дамылдасын деген ек.
Дәмді шөпті таңдаған,
Дәмді шөпті талғаған,
Дағдысынша дуадақ
Даланы еркін шарлаған.
Далалықтарға даралық
Даласынан дариды.
Дән – дәулет,
Дәулет – дән.
Сән – Сәулет,
Сәулет – сән.
Дәуреннің
Дутары бар,
Дағарадай.
Досым маған еліктеп
Домбырамен ән салды.
Дән риза болып көп,
Дуылдады, тамсанды.
Далада Дана да ойнап жүр,
Далада сана да ойнап жүр.
Досқа босқа қарама,
Дос та босқа қала ма?
Демеудi Медеу демемеп пе?
Медеудi Демеу демеп пе?
– Дегенде, әй, Тайқарбай, әй, Тайқарбай,
Қойыңды май жусанға жай, Тайқарбай.
– Тайқарбай, Майқарбайлар толып жатыр,
Әй, Тайқарбай, дегенiң қай Тайқарбай?
Ғажап бояу жағады,
Ғали сурет салады.
Гөк, Гөк, көги гөк,
Көк көп, көги көк,
Гөк, Гөк, көги көк.
Гүл-гүл жайнап жер-аспан,
Гүрілдейді сайда өзен,
Гүлжазира жарасқан,
Гүлдерімен қай кезең?
Гүлжамила – бақташы,
Гүлге толы бақшасы.
Гауһар жеңін түрінді,
Газға балық қуырды.
Гүлдерге су себелеп,
Газетке де үңілді.
Біздің ел – күрішті,
Ырысты-күрішті.
Күрішті оруға
Ырысты кірісті.
Бос шатыр,
Бос жатыр.
Бақшашы бақша бақса,
Бақшасы сатса ақша.
Балық көп пе екен,
Халық көп пе екен?!
Халықтың ішінен кім
Балықты сөкті екен?
Бұл құр емес, бұл – шіл,
Бұл шіл – сұр шіл.
Бақбақ бақта бар,
Бақа да бақта бар.
Байғыз – қай құс?
Байғыз – байғұс.
Ұшады жалғыз.
Бөрте серке қой бастайды,
Қой бастаған серкелер ойқастайды.
Біл, бұл – тіл,
Бұл – бір ірі піл.
Бөдене бедеде,
Көбелек көдеде.
Бедені – беде де,
Көдені – көде де.
– Былтыр
Құлпырды бұл қыр,–
Деді сұр құр.
– Биыл сол қырың – шиыр,–
Деді сиыр.
– Шындық мұның,–
Деді құлын.
Бір кезде
Бір кезбе,
Тау мен тасты көп кезді.
Бір кезбе,
Бір кезде
Тау текеге кез келді.
Бұтап, бұтап, бұтақты,
Бұтақты тұтатты.
Тұтатты бұтақты,
Бұтақты тұтатты.
Бұл сайда
Кәрі ағаш та бар,
Жас ағаш та бар,
Кесіп алсаң
Шоң ағаш та бар,
Ат ағаш та бар.
Былдыр, былдыр, бүлдіршін,
Бұл бір білгір бүлдіршін,
Білгірлігін білдірсін.
Берік, Серік,
Өрік теріп
Жеп еді.
Берік, Серік
Жеген өрік
Көк еді.
Ішті,
Тісті
Ауыртқан сол өрікке
Ренжулі Берік те,
Ренжулі Серік те.
Бізде «бес» ала алатындар да бар,
Ән сала алатындар да бар.
Мал баға алатындар да бар.
Нан соға алатындар да бар.
Бұл қай арал?
Қарғалы арал.
Қамыс басын қайырып,
Қарға ұялар.
Бұлар баларалары,
Жоқ , бұлар баларалардың балалары.
Бұл кiсi қой аралар ма,
Қой араламай қой алар ма?
Бозала ат бар, қараала ат бар,
Озар ат бар, қалар ат бар.
Балалар көп тентек,
Күшiмiз теп-тең деп
Күреспе тектен-тек.
Құлайсың көптен-көп,
Аяғың көктен кеп.
Бiр iстi Жорабай жобалай қойды,
Ол iске Жоламан жоламай қойды.
Батырға қай көлiк сай көлiк?
Батырға сәйгүлiк сай көлiк.
Бүлдiргендi Бүлдiрген,
Күлдiргендi күлдiрген,
Күлдiргенде Бүлдiрген
Бүлдiрiп ап күлдiрген,
Дейдi екен ендi бүлдiрмен.
- Бенедикт Спиноза
- Ясунари Кавабата
- Мұстафа Шоқай
- Абай Құнанбайұлы
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі