Қазақ Ұлттық Университетінің жетістіктері

ҚазҰУ деген атпен белгілі әл-Фараби атындағы Қазақ ұлттық университеті – Қазақстандағы жетекші жоғары оқу орны және Орталық Азиядағы ең беделді университеттердің бірі болып табылады. Оқу орны «зерттеу университеті» мәртебесіне ие. Қазақстан Республикасы Үкіметінің 2022 жылғы 25 шілдедегі қаулысымен бекітілген. ҚазҰУ 16 факультет пен 4 институттан тұрады, олар жаратылыстану ғылымдары, инженерия, гуманитарлық ғылымдар, әлеуметтік ғылымдар және медицина сияқты көптеген академиялық пәндерді қамтиды. Университетте сонымен қатар әртүрлі салаларда озық зерттеулер жүргізетін бірқатар ғылыми-зерттеу институттары мен орталықтары бар. 2024 жылы ҚазҰУ өзінің 90-жылдығын атап өтуде. ҚазҰУ 1934 жылы Қазақ мемлекеттік университеті болып құрылды. Өзінің ұзақ тарихында университет шағын университеттен елдегі ең ірі ғылыми және білім беру орталығына айналды. Бүгінде ҚазҰУ-да 500-ден астам мамандық бойынша 30 мыңнан астам студент білім алуда.

ҚазҰУ-дың басты жетістіктерінің бірі – оның академиялық жетістігі. Университет халықаралық және ұлттық рейтингтерде тұрақты түрде жоғары орындарды иеленіп келеді. Университет халықаралық стандарттар мен еңбек нарығының талаптарына сәйкес келетін бакалавриат, магистратура және докторантура деңгейлерінде 100-ден астам білім беру бағдарламаларын ұсынады.

ҚазҰУ-дың әлеуметтік және халықаралық қызметі де ерекше назар аударуға тұрарлық. Университет 47 елдің 500-ден астам университеттерімен және ғылыми орталықтарымен ынтымақтастық орнатқан, бұл студенттер мен оқытушылардың академиялық ұтқырлығына, сондай-ақ бірлескен ғылыми зерттеулерге кең мүмкіндіктер ашады. ҚазҰУ көптеген халықаралық білім беру бірлестіктері мен консорциумдарының мүшесі болып табылады, мысалы, Халықаралық университеттер қауымдастығы, университеттердің Еуразиялық қауымдастығы және т.б.

Әл-Фараби атындағы Қазақ Ұлттық Университеті
Философия және саясаттану факультеті “Дінтану және
Мәдениеттану” кафедрасы “Мәдениеттану” мамандығының                  
3 курс студенті Арнұрқызы Гүлнұрдың
Кудерина Айжан Нурхамитовнаның жетекшілігімен жазған мақаласы

Әлеуметтік желілерде бөлісіңіз: