Кіру Тіркелу
Өлең, жыр, ақындар
  1. Негізгі бет
  2. Барлық авторлар
  3. Фариза Оңғарсынова

Фариза Оңғарсынова

Фариза Оңғарсынова

Фариза Оңғарсынқызы Оңғарсынова (5 желтоқсан 1939 жыл - 23 қаңтар 2014 жыл)- қазақ ақыны, халық жазушысы, журналист, Қазақстан Республикасы Парламенті Мәжілісінің I және II шақырылымдарының депутаты (1996-2004).
1939 жылы 5 желтоқсанда Гурьев (қазіргі Атырау) облысы, Новобогат ауданына қарасты Манаш ауылында туған
1961 жылы Гурьев мемлекеттік педагогикалық институтының тіл-әдебиет факультетін бітіріп, Балықшы ауданының Еркінқала, «Октябрьдің 40 жылдығы» қазақ орта мектептерінде мұғалім болып жұмыс істеген.

1966–1968 жж. Гурьев облыстық «Коммунистік еңбек» газетінің партия тұрмысы бөлімінде әдеби қызметкер міндетін атқарған.
1968–1970 жж. республикалық «Лениншіл жас» (қазіргі «Жас алаш») газетінің Ақтөбе, Гурьев, Орал облыстары бойынша меншікті тілшісі болып еңбек еткен.
1970–1978 жж. республикалық «Қазақстан пионері» (қазіргі «Ұлан») журналының бас редакторы, 1978–2000 жылдары «Пионер» (қазіргі «Ақ желкен») журналының бас редакторы болып істеді.
2000–2004 жж. ҚР мәжілісінің депутаты болды.
2014 жылдың 23 қаңтар күні Астана қаласында ұзақ сырқаттан дүниеден өтті


Туындылары Өлеңдері Нақыл сөздері

Ғашықтық сезім — адамзат ғұмырын жалғайтын нәр. Ол сезім тек ер мен әйелдің арасында болады деп түсіну — қателік. Балаға, анаға, әке мен бауырға, дос пен жарға, туған жер, атамекенге, өнерге деген өлмей ажырамайтын қимастық — осының бәрі, сайып келгенде, ғашықтық.

Ілмектер: ғашықтық, сезім, нақыл, афоризм, қанатты сөздер Фариза Оңғарсынова

Қарға да қанат қомдап қарқылдайды,
Несi артық менен осы сұңқардың деп.

Ілмектер: қарға, артық, сұңқар, нақыл, афоризм, қанатты сөздер Фариза Оңғарсынова

Күндi де бұлт қамайды мылқау бұл деп,
Жерде де асылдарды құртар күндеп.
Көп жабы көлденеңдеп көсiлгенмен,
Қадiрiн серiктестiң тұлпар бiлмек.

Ілмектер: қадір, бұлт, мылқау, нақыл, афоризм, қанатты сөздер Фариза Оңғарсынова

Жалпылдап арттан ергенмен,
Аттының бәрi қол емес.

Ілмектер: жалпылдау, нақыл, афоризм, қанатты сөздер Фариза Оңғарсынова

Ақымақ қара қарғаны,
Түлкiге баулып салғалы,
Қыран деп баптау күлкiлi:
Өлiмтiгiн көксеп құлқыны
Қарқылдап қояр бiр күнi.

Ілмектер: ақымақ, қыран, қарға, нақыл, афоризм, қанатты сөздер Фариза Оңғарсынова

Басшысыз үйде бала азар,
Тәртiп жоқ жерде жан азар,
Хан мисызда бәрi азар.
Iрiлiк кетiп жiгiттен,
Күн кешер бекер үмiтпен.

Ілмектер: бала, тәртіп, нақыл, афоризм, қанатты сөздер, үміт Фариза Оңғарсынова

Сұңқарды сұңқар деу керек.
Тұлпарды тұлпар деу керек.

Ілмектер: сұңқар, тұлпар, нақыл, афоризм, қанатты сөздер Фариза Оңғарсынова

Өмiр — ылғи жұпарлы жемiс гүл ме?
Ой-жырасы болады тегiстiң де.
Адал, мөлдiр қалпыңда қалу деген,
Оңай емес құбылған жер үстiнде.

Ілмектер: өмір, адал, нақыл, афоризм, қанатты сөздер Фариза Оңғарсынова

Өмiрге ендiң - ендеше жүгенделдiң,
(Мен де талай бұлқындым, жiгерлендiм),
Бiрақ әр кез тағдырың шешiледi
Қолыменен кездейсоқ бiреулердiң.

Ілмектер: өмір, тағдыр, нақыл, афоризм, қанатты сөздер Фариза Оңғарсынова

Көп адам дүниеге бой алдырған
Бой алдырып, аяғын көп шалдырған.
Өлді деуге бола ма, ойлаңдаршы,
Өлмейтұғын артында сөз қалдырған.

Ілмектер: өмір, сөз, нақыл, афоризм Фариза Оңғарсынова

Қарап көріңіз

Жаңалықтар

Нақыл сөздер

Пікірлер