Өтеғали (1 нұсқа)
Ішпедім Жайық суын ылай ма деп,
Баспадым жардың шетін құлай ма деп.
Жаманмен дос болуға мен қорқамын,
Бір күні ердің құнын сұрай ма деп.
Орта бойлым
Айналайын, қарағым, орта бойлым,
Сары майдан айырып торта қойдым.
Жанның бәрі атыңды білмесін деп,
«Күлімкөз» деп әдейі жорта қойдым.
Ойдай, Балым
Тартайын деп домбыра алдым қолға,
Он саусағым шағалап салдым жолға.
Білгенімше барымды мен сөйлейін,
Тіл байланып қалмаса сіздің сорға-ай.
Ой, сәулем
Айналайын, қарағым, құлыным-ай, ау,
Бауырыңда көп жаттым тығылып-ай, ой, сәулем.
Хош аман бол, ой, сәулем,
Көргенімше енді-ау мен!
Ой, қарғам
Қарасу есік алды лай ма екен,
Көргеннен мені анам сұрай ма екен?
Қайысып қабырғасы тапқан анам,
Мені ойлап осы күні жылай ма екен?
Ой, күнім-ау, ой, дай-ау
Келеді жаз мысалы жыл құсымен,
Көктемде мал балалар тұңғышымен.
Ой, күнім-ау,
Ой, дай-ау.
Нұрсұлу (2 нұсқа)
Білемін жанға жайлы май сұлу,
Жарқ-жұрқ еткен майданда найза ғой сұлу.
Әдемі өскен төбеде-ай көк шатыр,
Көкте жүзген алтын табақ ай сұлу.
Нұрсұлу (1 нұсқа)
Білем анық жанға жайлы-ау май сұлу,
Жарқ-жұрқ еткен майда найзағай сұлу.
Әдемі аспан — төбедегі көк шатыр,
Көкте жүзген алтын табақ — ай сұлу.
Нарынбай қоспақ (2 нұсқа)
Алдына ат салмайды құла құнан,
Нарынның ат суардым бұлағынан.
Алдында асқақтатып ән шырқайын,
Қалмасын-ей, көпке дейін-ей,
Нарынбай қоспақ (1 нұсқа)
Біздің ел жүруші еді Нарын жайлап,
Көкорай-ау, шалғынына бие байлап, бие байлап.
Ей, ей, е-ей, е-ей, бие байлап, ей-уай!
Кешегі жиырманың тентегінде,
Назқоңыр (1 нұсқа)
Көзімнің жанарындай сәулем едің,
Көңілімнің қуанышты дәурені едің.
Кетпейсің күндіз естен, түнде түстен,
Басымды не сыйқырмен әуреледің.
Мұхилилә-Шәйбан
Айналайын, қарағым, шырағым-ай-ау,
Осынау даусым бара ма құлағыңа-ай-ау.
Мұхилилә-Шәйбан,
Ха-ли-лә-лей-ләу, ой, қалқам.
Менің көңілім
Сөз табасың, құрбыжан, не керектен,
Дәл тиеді қай сөзің зеңбіректен.
Шыныменен көңілің болса менде,
Жаным құрбым, жан сәулем, шын жүректен.
Мәдине, бөлем-ай
Ақ түлкісі Жайықтың аралдағы,
Сен бір шыққан алдымнан марал дағы.
Ой, Мәдине, бөлем-ай,
Алма мойын, аршын төс,
Мәтөк әні (2 нұсқа)
Қолымда бір қамшым бар-ау күмістеген,
Япырм-ау, сол қамшыны кім істеген.
Аулына сол қалқамның-ай барар едім,
Қолымды босатпай жүр, бай, бай,
Мәтөк әні (1 нұсқа)
Ауылым көшіп қонады-ау Бағылына-ай,
Жаз болса қоян қашады-ау шағылына-ай.
Көп айдың көрмегелі-ау күні болды-ау,
Келемін ақ еркемді-ау сағынып-ау.
Маусымжан (3 нұсқа)
Түрлентемін ән шырқап заманымда,
Әннен басқа әсер жоқ қабағымда.
Маусымжан, Маусымжан,
Танимын, қалқам, даусыңнан.
Маусымжан (2 нұсқа)
Көгілдірік, ендеше, көгілдірік, Маусымжан,
Көк дөненге жарасар өмілдірік, Маусымжан.
Танимын, еркем, даусыңнан.
Айт дегенде, ағалар, мен айтайын, еркем-ай!
Маусымжан (1 нұсқа)
Аулың қалқаш, алыстан бұлдырайды,
Қоңыраудай даусың сылдырайды.
Еркем-ай, сәулем-ай,
Сен есіме түскенде, ой, қарағым-ай,
Елімнің егесімін
Кемітпекші бұл шақта ұлтымды кім,
Тәуелсіздік ашты кеп түн түндігін.
Қайрат, білім бойымда тоғысулы,
Ешкімнен де кем емес мүмкіндігім.
Майдақоңыр (1 нұсқа)
Жігіттің падишасы-ай, Әмір-Темір,
Әмір-Темір, а-уай,
Бозбала әнге салсаң, шіркін-ай,
Қайғың кемір, а, уай-ай.
Ләл-лаш-ау
Мақпалдың шығар бешпент он бір көзі,
Кем көрмен алғанымнан деген өзі.
Леллә, ләллә, Ләллаш-ау.
Ауылың бірге жүрген кетсе басқа,
Ләйлім (2 нұсқа)
Ақша бетің, Ләйлім қыз, айдан да аппақ, а-ей,
Таба алмадым аулыңды айналақтап.
Қарындасым,
Шығады көзден жасым-ай.
Қырық сақина
Аспанда бір жұлдыз бар Темірқазық,
Жүремін-ау, сені ойлап күнде азып.
Тіліңнен бір сүйгізсең аузыңды ашып,
Алты айға-ау болар еді маған азық.
Қыран бүркіт
Қыран бүркіт келмейді қайыруға,
Не демейді қос дұшпан айыруға.
Қаламқас,
Қалдау кейін қайран жас.
Пікірлер
-
меей
кеемет -
полатбек Жанбаев
Мықты -
Жанахмет
А -
Жанахмет
Мен тіпті оқи беріп жаттап алдым ғой
-
- Архимед
- Оноре де Бальзак
- Александр Пушкин
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі