Cәулетші Мимар Синан

Сәулетші Синан 1490 жылы Кайсеринің Ағырнас деген ауылында туылып, 1588 жылы  9 сәуірде Стамбұлда қайтыс болды. Жас шағында Стамбұлға келіп оқуын тамамдап, әскер қатарына қосылды. Чалдыран, Мысыр, Тебрия, Бағдат, Родос пен Белград соғыстарына қатысты. Сонымен қатар көптеген мемлекеттерге барып, жүздеген қала көріп, барған жерлерінде аркалармен күмбездерді зерттеді. Барлығынан өзіне дәріс алып, қағазға түсіріп жүрді. Кейін бас сәулетші  қызметіне тағайындалды. Мемлекет құрылыстарын бақылады және сәулетшілерді дайындайтын Хасса Мимарлар Орталығында күні түні сабақ оқытты. Сәулетші Синан мемлекетті мешіттер, медреселер, көпірлер, ғимараттар, емханалар, сарайлар, моншалар, қоймалар және керуенсарайлармен безендірді. Туындысының ешқайсысы бір-біріне ұқсамайтын. Ол қысқа ғана сәулетшілік қызметінде 364 өнер туындысын қалдырды. Сәулетші Мимар Синанның акустика саласында жеткен жетістіктеріне тіпті осы күнгі инженерлер де түсіне алмай бармағын тістеп қалуда. Сүлейманийа және Сәлимийа мешіттері ең асқақ туындыларының бірі болып саналады.

Мимар Синан мазары.

Атқарған негізгі жобалары мен жұмыстары

Мимар Синан 92 жұма мешіті, 52 мешіт, 57 медресе, 7 дарул қурра-қарылар медресесі, 22 мазар, 17 имарет, 3 емхана, 5 су жолы, 9 көпір, 20 керуен-сарай, 36 сарай-қамал, 8 қойма, 48 монша барлығы 375 ғимараттың салынуына себепші болған.

Салған негізгі мешіттері

1. Сүлеймение мешіті, Ыстамбұл
2. Шаһзада мешіті, Ыстамбұл
3. Хасеки мешіті, Ыстамбұл
4. Михримах cұлтан мешіті, Ыстамбұл

және бұдан басқа 90 жуық үлкен мешіттер салған.

Салған үлкен медреселері

1. I Сүлеймен медресесі, Мекке
2. I Сүлеймен медреселері, Ыстамбұл
3. I Сәлім медресесі, Ыстамбұл
4. I Сәлім медресесі, Шорлы
5. II Сәлім медресесі, Эдирне
6. Мехмет шаһзада медресесі, Ыстамбұл

Жалпы медреселер саны 57.

1. Биікшекмеже көпірі
2. Силиви көпірі (Сұлтан Сүлеймен көпірі)
3. Мұстафа паша көпірі
4. Соколлы Мехмет паша көпірі
5. Одабасы көпірі
6. Қапыағашы көпірі
7. Мехмет паша көпірі
8. Соколлы Мехмет паша көпірі
9. Сұлтан Сүлеймен көпірі

Күллиелері

Күллие - Ұлы Османлы Мемлекеті заманындағы ғимараттың түрі. Күллие мешіт, медресе, имарет, мазарлар, монша, асүйі, емхана, аурухана, мектеп, сопылар үйі (текке), кітапханалардан құралған ғимаратардың жиынтығы.

1. Хасеки күллиесі
2. Соколлы Мехмет паша күллиесі

Салған басқа да ғимараттары

Сол заманғы колледж ретінде Құранды толық жаттататын медреселер салдырды. Сол заманда сол медреселер "дарул қурра" деп аталаған.

Бұдан бөлек жоқ-жітіктерге көмек ретінде имареттер салдырды. Имарет Ұлы Османлы Мемлекеті заманында жоқ-жітікке көмек беру үшін ашылған нысандар. Ішінде жататын орын, асхана, үлкен аула және т.б. болады.

Сәлимия мешіті

Сәулетші Синанның “шеберлік өнерім” деп бағалаған Сәлимийа мешіті Едирне қаласының бас тәжі болып саналады. Сәулетші Мимар Синанға II- Сұлтан Сәлимнің бұйрығымен 1568-1575 жылдар аралығында салдырылған мешіт азан шақыратын үш қабаты бар, төрт мұнарасымен көзге түседі. Бұл әсем мұнаралар мешіттің төбесіндегі күмбезді ұстап тұрған төрт бұрыштың бұрыштарына қаратып тұрғызылған.31,3 мдиаметрді құрайтын мешіттің күмбезі сыртқы көріністің негізгі келбетін де көрсетіп тұр.

Сәулетшінің басқа да кейбір туындылары

Сүлеймание мешіті.

Топкапы сарайы.

Шехзаде мешіті

Мостар көпірі

Әлеуметтік желілерде бөлісіңіз: