Бейсен Құранбек: Халықтың жүрегінде қалған журналист

Бейсен Абайұлы Құранбек – шындықты тайсалмай айтып, елдің мұңын елең қылып жеткізген сирек журналистердің бірі. Ол тек тележүргізуші ғана емес, ұлттың жоғын жоқтаған, рухани көшбасшы ретінде халық жадында қалды.

Өмірбаяны қысқаша:

 • Туған күні: 1971 жылдың 9 желтоқсаны, Қызылжар ауылы

 • Қайтыс болған уақыты: 2020 жылдың 18 мамыры

 • Жасы: 48-де өмірден озды

Көпшілік Бейсен Құранбекті алғаш рет «Айтуға оңай» бағдарламасы арқылы таныды. Сол сәттен бастап оның әрбір сөзі мен кейіпкерге деген жанашырлығы жүректерге жетіп, елдің ықыласына бөленді. Ол тек хабар жүргізушісі емес, адамдардың ішкі жан дүниесіне үңіліп, ауыр тағдырларын бірге көтеруге тырысатын жан еді.

⸻

Тәрбиесі мен тұлғалық қалыптасуы

Ол – қарапайым ауылдан шыққан азамат. Бала күнінен жанашыр, қамқор, мейірімді болып өсті. Ауылда жүріп-ақ үлкенді сыйлап, кішіні қамқорлап, елдің алғысын алған. Бұл қасиеттер оның бойында өмір бойы сақталды. Бейсенді бала кезінен дана, дара азаматқа айналдырған – оның әжесінің тәлім-тәрбиесі. Әжесінің даналығы, өмірлік тәжірибесі мен ақыл-нақылдары оның болмысына терең әсер етті. Жанына мейірім мен туралықты сіңіріп өскен Бейсен кейін де осы қасиеттерінен айныған жоқ.

⸻

Журналистік жолы

     2005 жылы Бейсен Құранбек Астана қаласында кәсіби жолын бастады. Сол жылы «Хабар» телеарнасында Президенттік пул құрылып, оның алғашқы қазақ тілді журналисі болып тағайындалды. Бұл – оның кәсібилігі мен табандылығының айқын дәлелі.

     2007 жылы туған өлкесіне оралып, «Жетісу» телеарнасына басшылық етті. Оның жетекшілігімен арнаның мазмұндық сапасы жақсарып, өңірлік журналистика жаңа деңгейге көтерілді. Талдықорған қаласындағы Журналистер үйінің салынуына да тікелей атсалысты. 2010 жылы «Қазақстан» ұлттық арнасындағы «Айтуға оңай» ток-шоуының жүргізушісі болып тағайындалып, бұл бағдарлама ел арасында үлкен танымалдылыққа ие болды. Кейін бұл ток-шоу «Қаракет» деп өзгертіліп, жалпы саны 8 жылға жуық үздіксіз эфирде жүрді. Бейсен Құранбектің шеберлігі мен шынайылығы осы жобалар арқылы көрермен жүрегіне жол тапты. Қанша беделді қызметтер ұсынылса да, ол ешқашан шығармашылық жолынан бас тартқан жоқ. Телевизия мен халық алдындағы жауапкершілікті әрдайым бірінші орынға қойған рухани биік тұлға болды.

⸻

Ауруы мен қазасы

2020 жылы Бейсен Құранбек өмірден озды. Оның ауыр дертке шалдыққаны жайлы ақпарат тек әлеуметтік желілер арқылы тарады. Халық оның жағдайының ауыр екенін толық білмеді. Ол ауырса да, жанын жұртқа білдірмей, соңына дейін адал қызмет етті. «Желі желіп» деп сипатталған дерт ақыры азаматты алып тынды. Бірақ оның ғазиз жүрегі өзгелерге әрдайым жақсылық жасауға ұмтылды.

⸻

Мәңгілік үлгі

   Бейсен Құранбек – мен үшін кәсіби ғана емес, адами тұрғыдан да нағыз үлгі бола білген тұлға. Оның адамгершілігі, шыншылдығы және ұлтқа деген жанашырлығы мені терең ойға қалдырды. Егер журналист болсам, дәл оның жолын ұстанып, шындықты айта білетін, халықтың мүддесін бірінші орынға қоятын маман болғым келеді. Оның аты мен еңбектері – мәңгі есте қалады. Ол – шындықты айтуға қорықпаған, рухани биіктікке ұмтылған тұлға. Болашақ жас журналистерге ол – ұмтылыс пен шабыт көзі болары сөзсіз.

     2020 жылдың мамырында Stan.kz порталына берген сұхбатында белгілі журналист Нұртілеу Иманғалиұлы шәкіртінің еңбегі мен мұрасын жоғары бағалап:

«Бейсен – журналистиканың жүрегін ұстап тұрған азаматтардың бірі еді. Ол эфирге жанын салып шығатын. Оның әрбір сөзі, әрбір қадамы – шынайылықтың үлгісі болды», – деп еске алды.

Бейсен Құранбектің сөзімен аяқтағым келеді:

«Журналист болу — халықтың сөзін сөйлеп, мұңын жеткізу ғана емес, сол мұңмен бірге өмір сүру. Егер жүрегің ауырмаса, шын жанашыр бола алмайсың».

— Бейсен Құранбек

«Journiverse» білім беру орталығының оқушысы: Аскербек Аяулым ​