Кіру Тіркелу
Өлең, жыр, ақындар

Анекдот, әзілдер, қазақша анекдоттар

Өзімнің бозбала кезім есіме түссе зәрем ұшады (бірақ қазір олай емес әрине). Өзімнің жазған кітаптарым маған сол кезде бұйырғанда көп нәрсе болмаған болар еді, дайын асты жұта салар едім. Мына жазғаным әзілден гөрі өкініш болып кетті ғой.

Ілмектер: Нарша Булгакбаев, бозбала, кітап, әзіл, өкініш

Әкеден естіген ақылым күнделік жаз, сосын ол күнделігің 20-30 жылда әсемделіп, көркемделіп, сенің жеке өмірлік кітабың болады. Мен оған «оны онсызда екі иықтағы періштелер жазуда ғой» мен несіне әуре боламын дедім.

Ілмектер: Нарша Булгакбаев, әке, ақыл, күнделік, кітап, періште, жазу

Араққа тойып алған мас ,көшеде COCA-COLA ішіп тұрған балаға, СOLA ішпе, бүйрекке зиян,-депті .

Ілмектер: анекдот, Жарасбекова Айжан, әзіл-қалжың

Бір күні Қожанасыр досының үйіне қонаққа келіп, қайтайын деп жатқан кезде жаңбыр қатты құйып кетіпті.
Досы:Қожеке ,біздің үйде түней тұрсаңшы, жаңбырдың астында қаларсың. -деген ғой

Қожекең келісіп, жаңбыр жауғанына қарап тұрайын дейді.
Досы үйіне кіріп кетіп , біраздан соң шықса Қожекең үсті басы су су болып келіп тұр екен .
Досы : қайда барып келдің ?десе,
Кожанасыр: үйге барып ,бәйбішеме сенің үйіңде түней тұратынымды айтып келдім. -депті.

Ілмектер: анекдот, Жарасбекова Айжан, әзілдер

Есек пен түлкі әңгіме барысында шөптің түсіне қатысты сөзге келеді. Түлкі шөпті жасыл десе, есек сары дейді. Осылайша біраз сөз таластыра отырып, шешімге келе алмаған соң аң патшасы - арыстанға келеді. «Патшам, сізден төрелік сұрап келдік. Есек екеуміз таңнан бері айтысып отырмыз. Ол шөптің түсін сары дейді, ал мен жасыл деймін. Шынайы төрелігін сіз айтыңызшы»,- дейді түлкі. Арыстан ойлана отырып, нөкері қасқырларға: «Есекті еркіне жіберіңдер, ал түлкіге 30 дүре соғыңдар»,- дейді. Сонда түлкі: «Патшам, меніңкі дұрыс емес пе, шөптің түсі жасыл емес пе?!»,- дейді. Арыстан: «Иә, шөптің түсі жасыл, менің берген жазам сеніңкі дұрыс болмағаны үшін емес. Есекпен сөз таластырғаның үшін»,- деген екен.

Ілмектер: есек, түлкі, анекдот, әзіл

Үш науқас
Бір күні ауруханаға жұмыс сапасын, адамдардың ауруынан айығуының қандай деңгейде екенін көру үшін арнайы тексеру үшін мамандар жіберіледі.Тексеріс кезінде науқастарға жауапты адам жол көрсетіп, бір бөлмеге кіреді. Бұл бөлмеде үш псих отырады.
-Міне, біздің ауруынан айығып келе жатқан науқастарымыз.
-Ал,енді бұны,қарап көрейік,қазір...- деп, отырған үш адамға бұрылады.Үшеуі де жан-жағына жалтақтап қарай береді. Біріншісіне сұрақ қойғалы жатып, сұрағын іштей ойланып: «Көбейтуден қойсам ба екен? Жо-жоқ, ең оңайы қосудан сұрақ қойып көрейін»,- деп:
-Екіге екіні қосқанда неше болады? - дейді. Сонда бірінші науқас:
-Он мың болады - дейді тістерін ақсита көрсетіп. Тексеруші:
-Аа, солай ма, әйтеуір, цифр айттың ғой. Ал енді сені көрейік. Екіге екіні қосқанда неше болады? - деп сұрағын қайталайды.
-Ол да сөз боп па, қазір, ы-ы-ы-ы...О,таптым!- «Сәрсенбі» шығады деп жауап береді.
-Иә, сіздерің емдеуде қандай дәрежеде екені және науқастардың халі де нашар екені көрініп тұр, оны айтпаса да белгілі! - деп сөзін қадап-қадап айтты. Жауапты адам:
-Енді, қолымыздан келгенше барлық амалын жасап жатырмыз.
-Жарайды, енді үшінші науқасымызды көрейік - деп оған да сұрағын қайталайды.
-Төрт шығады!- деп, бірден жауап береді. Бәрі таңырқай қарап, одан үміт күткендей, ауруынан айығып келе жатқанына көзі жеткендей қуанып кетеді.
-Оны сен қалай таптың?- дей бергенде, науқас теңселіп отырып:
-Енді дұрыс емес пе? Он мыңға сәрсенбі қосқанда төрт шықпай ма? - депті тексерушінің бетіне жымия қарап!

Ілмектер: Анекдот, Әзіл әңгіме

Дәрігер науқасқа:
— Сіздің құрттаған тістеріңізді емдеу үшін, мына алтын тісіңізді жұлу керек.
— Неге?
— Енді, емнің ақшасын кім төлейді?

Ілмектер: дәрігер, тіс дәрігері, науқас, алтын, алтын тіс, тіс

Бір күні мұғалім сыныптағы оқушыларына жақсы адам болу, адамдарға жақсылық жасау туралы айтып, тәрбие сағатын өткізеді. Ертеңіне бір оқушысы қолын көтеріп:
- Апай, мен кеше көзі көрмейтін кісіні жолдан өткізіп жібердім,- дейді. Мұғалім:
- Бәрекелді, жарайсың Мақсат!- деп мақтайды. Оның артынша тағы бір оқушысы қолын көтереді де:
- Апай мен кеше Мақсатқа әлгі соқыр кісіні жолдан өткізуге көмектестім, -дейді. Апай:
- Неге, Мақсат өзі өткізе алмас па еді?
- Жоқ, ол кісі жолдан өткісі келмеді, біз оны мәжбүрлеп өткіздік,- деген екен.

Ілмектер: мұғалім, жақсылық жасау

Бір кісі дәріханаға келіп былай деп сұрайды:
- Сізде Ацетилсалицил қышқылы бар ма?
- Аспирин ба? Иә, бар.
- Иә, иә, аспирин беріңізші. Атын ұмытып қала берем.

Ілмектер: дәріхана, ацетилсалицил, аспирин

Жұмысшы бастығына келіп: «Шұғыл түрде менің жалақымды көтеріңіз. Әйтпесе менің соңымнан қалмай жүрген фирмалар бар, мені таппай қалуыңыз мүмкін» дейді. Бастығы «Ол қандай фирмалар?» - деп сұрағанда, жұмысшы қалтасынан пәтер шығындарының квитанциясын шығарып: «Электр энергиясы фирмасы, газ фирмасы, су фирмасы, қоқыс шығару фирмасы т.б.» деген екен.

Ілмектер: жалақы, Күлімдейік

— Жақан! Ә, Жақан! Ағаңның жасы сенен үлкен бе еді, кіші ме еді осы?

Ілмектер: аға, жас

— Ағай, мен екінші боп келдім.

— Неден?

— Жаяу жарыстан.

— Неше бала жарысып едіңдер?

— Болат екеуміз ғана!

Ілмектер: жарыс

— Қойбағаров, кәне сен айтшы. Алтыны беске көбейткенде қанша болады?

— Отыз.

— Дұрыс-ақ! Ал бесті алтыға көбейткенде қанша болады деп ойлайсың?

— Онысын білмедім, ағай!

Ілмектер: математика, сабақ, оқушы, көбейту

Аулада ойнап жүрген балалар бір-біріне әкелерінің өте жылдам екенін айтып мақтанып отырады. Біреуі: «Менің әкем садақ атса, нысанаға ұшқан жебеден бұрын жетіп барады» дейді. Екінші бала: «Сол да сөз боп па? Менің әкем тапанша атып, оқтан бұрын нысанаға жете алады» дейді. Сонда үшіншісі: «Ал менің әкем жұмыс уақыты 5-те біткенімен сағат 3-те үйде отырады»,- деген екен.

Ілмектер: әкелер, балалар

Бай бір бизнесмен өзінің бизнестегі ортағы, әрі досынан сұрайды:
- Осы сенің кигенің қайыршының киіміне ұқсайды, ал әйелің болса әртістерше киінеді. Неге жақсырақ киінбейсің?
- Қайтейін енді, екеуміз де оқыған нәрсеміздің әсерінде қалудамыз.
- Бұл қалай болғаны?
- Ол мода журналдарын үзбей оқиды, ал мен болсам отбасымыздың кіріс-шығыс дәптерін оқимын, - деген екен.

Ілмектер: мода, бизнесмен, журнал, кіріс-шығыс

Қожанасыр бір күні кілтін жоғалтып алады. Бақшада іздеп жүргенінде әйелі:
– Кілтті қай жерге түсіріп алған едіңіз?-деп сұрайды. Қожа:
– Қай жерге түсіргенімді білсем іздеп жүрер медім?- депті.

Ілмектер: кілт, Қожанасыр

Автобусқа отырған бір оқушы кондуктордан екі билет сатып алады. Кондуктор одан: «Балақай неге екі билет алдың?» деп сұрайды. Оқушы: «Біреуін жоғалтып алсам, екіншісін көрсетемін» - деп жауап береді. Кондуктор: «Ал екіншісін жоғалтып алсаң ше?» дегенінде бала: «Онда менде "проездной" бар» деп қалтасынан бір айға арналған жол жүру билетін көрсеткен екен.

Ілмектер: автобус, оқушы, кондуктор

Бір қарға аузындағы ірімшікті жей бергенінде, түлкі келіп:
— Қарға аға, әдемі даусыңмен ән шырқап жіберші,- дейді. Қарға аузындағы ірімшікті қанатына ыңғайлап қыстырады да:
— Түлкі бауырым, мен ондай ескіріп кеткен қулықтарға алданбаймын. Өйткені мен де қарға мен түлкі ертегісін оқығанмын, — деп жауап берген екен.

Ілмектер: қарға, ірімшік, түлкі

Ағарған шаш
Баласы қайта қайта бұзықтық жасап, мектепке шақырылған әкесі баласына қарап:
- Сен есейіп қалдың, енді ақылды бол балам! Сен еркелігіңді көрсетіп, бұзықтық жасаған сайын шашым ағаруда. Әкеңе жаның ашыса, енді гәрі ақымақ болма балам, жарай ма?! - дейді. Сонда баласы:
- Бәсе, неге атамның шашы аппақ десем, атама жаныңыз ашымаған екен ғой, - деген екен.

Ілмектер: Ағарған шаш, шаш, Мектеп, бала, әке, ата

Профессор
Дәрісханада бақылау жұмысы өтіп жатады. Кезекті бір студент жұмысын тапсырғалы тұрғанда оның қобалжып, абыржыған түрін көрген профессор: «Сіз неге соншама абыржып тұрсыз? Менің сұрақтарымнан қорқасыз ба?» - деп сұраса, студент: «Жоқ, мен өзімнің жауаптарымнан қорқып тұрмын», - депті.

Ілмектер: Профессор, студент, бақылау жұмысы

Жаңалықтар

Нақыл сөздер

Пікірлер