Кіру Тіркелу
Өлең, жыр, ақындар

Мақал-мәтелдер

Тоны жаманды ит қабар,
Көңілі жаманды құдай табар.

Ілмектер: тон, ит, көңіл, жаман

Тіл жүйрігі - басқа,
Қол жүйрігі - асқа.

Ілмектер: тіл, жүйрік, қол, ас

Жақсы менен жаманның жаны бірдей,
Арық пенен семіздің қаны бірдей.

Ілмектер: жақсы, жаман, қан, семіз, арық

Жақсыға сөз ереді,
Жаманға шөп ереді.

Ілмектер: жаман, жақсы, сөз, шөп

Ер дұшпансыз болмайды,
Есек тұсаусыз болмайды.

Ілмектер: ер, дұшпан, есек, тұсау

Басы ауырған бақсыға барады,
Даулы кісі жақсыға барады.

Ілмектер: бас, ауру, дау, бақсы

Ақылы асқан жақсыны «алысым» деп ойлама,
Ақылы жоқ жаманды «жақыным» деп ойлама.
Бір сынаған жаманды екінші қайтып қинама,
Ашуланса, мерт қылар, жолбарыспен ойнама.

Ілмектер: ақыл, жақсы, сыйлау, жаман, ашу, жолбарыс

Жасы кіші болса да, ақылы көпті аға қыл.

Ілмектер: кіші, ақыл, аға

Ақ сақалдан бата алған, құдайдың рахметіне жолығар.

Ілмектер: бата, рахмет

Ұрлық қылсаң жалғыз қыл, екеу болсаң - бірі айғақ.

Ілмектер: ұрлық, айғақ

Есерсоқ болмай, ер болмас,
Есептен болмай, бай болмас.

Ілмектер: есерсоқ, ер, есеп, бай

Дүние жиып нетесің,
Бір күн тастап кетесің.

Ілмектер: дүние, күн

Қатынға тисең қарасы жұғады,
Балаға тисең бәлесі жұғады.

Ілмектер: қатын, бала, бәле

Қарамықтың дәні болғанша, бидайдың сабаны бол,
Жаман елдің жақсысы болғанша, жақсы елдің жаманы бол.

Ілмектер: дән, бидай, жаман, ел

Жаманнан би қойма - кесім салады,
Залымнан қарыз алма - өсім салады.

Ілмектер: жаман, би, залым, өсім, қарыз

Етігің тар болса, дүниенің кеңдігінен не пайда?
Қатының долы болса, елдің тыныштығынан не пайда?

Ілмектер: етік, ел, тыныштық, қатын, долы, тар

Атан-түйе ойнаса жұт болады.

Ілмектер: жұт, түйе

Аш кісі май таңдамас,
Кәрі қыз бай таңдамас.

Ілмектер: аш, кісі, бай, май, қыз, кәрі қыз

Ат баспан деген жерін үш басады.

Ілмектер: ат, жер

Бөрі де жолдасына қас қылмайды.

Ілмектер: қастық, жолдас, бөрі

Жаңалықтар

Нақыл сөздер

Пікірлер