Мақал-мәтелдер

Көзсiз күнелтсең де,
Көпсiз күнелте алмайсың.

Ілмектер: көз, халық

---

---

Көктi тiреуге болмайды,
Көптi мiнеуге болмайды.

Ілмектер: халық, көк

---

---

Көштен бөлiнсең де,
Көптен бөлiнбе.

Ілмектер: көш, халық

---

---

Көптiң құрығы ұзын.

Ілмектер: құрық, халық

---

---

Аздың атасы бiр,
Көптiң батасы бiр.

Ілмектер: ата, бата

---

---

Өзiм бiлем деген жiгiттiң,
Басына ойран салғаны.
Көп бiледi деген жiгiттiң,
Басына қорған салғаны.

Ілмектер: білу, жігіт

---

---

Халық келiп-кеткендi сыйламайды,
Қиылып қызмет еткендi сыйлайды.

Ілмектер: халық, сый, қызмет

---

---

Өзге елге ұл болғанша, өз еліңе құл бол.

Ілмектер: ұл, құл, ел

---

---

Халықтан бөлiнген
Қараң қалар.

Ілмектер: халық

---

---

Жiгiттiң халыққа жаққаны –
Шырақ жаққаны.

Ілмектер: жігіт, халық

---

---

Қаланған кiрпiш – кәдеге асқаны,
Қағылған шеге – орнын тапқаны.

Ілмектер: кірпіш, шеге, кәде

---

---

Адам ұяты бетінде,
Адамгершілігі ниетінде.

Ілмектер: адам, қят, адамгершілік

---

---

Жасық адам жасына жетпей қартаяр,
Асыл адам жасына жетпей марқаяр.

Ілмектер: адам, асыл, қарттық

---

---

Адам деген ардақты ат.

Ілмектер: адам, ардақты

---

---

Ажал анық болса да,
Мезгілі жетпей ер өлмес.

Ілмектер: ажал, мезгіл, өлім

---

---

Адасқанның алдында еш нәрсе жоқ.

Ілмектер: адасу

---

---

Адасқанды сөкпеңіз,
Қайтып үйірін тапқан соң.
Ұрлағанды кешіңіз,
Тоғыз алып жапқан соң.

Ілмектер: адасу, ұрлық, кешіру

---

---

Адасқан қаздай, руым аздай.

Ілмектер: адасу, қаз, ру

---

---

Адамның өзі өледі, сөзі қалады.

Ілмектер: адам, сөз

---

---

Адамның көңілі де көк сияқты қаулайды, семеді.

Ілмектер: адам, көңіл

---

---