Фильтр для воды
Корейская косметика премиум класса

Мақал-мәтелдер

Бүгінгі істі ертеңге қалдырғанның ісі бітпейді.

Ілмектер: бүгін, іс, ертең, қалдыру

Бүгін күлерсің, ертең жыларсың,
Бүгін дүниенің үсті, ертең асты.

Ілмектер: күлу, жылау, дүние

Бүгін бар дүние ертең жоқ,
«Өзімдікі» дегенің өзгеге кетеді.

Ілмектер: бүгін, ертең, дүние

Бүгін атар оғың болса,
Ертең жауың оқ ата алмайтындай қыл.

Ілмектер: оқ, бүгін, ертең, жау

Бұтаққа қорғалаған торғай да қалады.

Ілмектер: бұтақ, торғай

Бұтағы көп ағашқа құс қонады,
Көрікті әйелге сөз ереді.

Ілмектер: ағаш, құс, көрік, әйел

Бұтағы көп ағашқа құс қонады,
Атағы жақсы адамға сөз ереді.
Ағаш басына жел үйір,
Жақсы адамға сөз үйір.

Ілмектер: ағаш, құс, адам, атақ, сөз

Бұрынғының қыздары
Қырмызы қызыл жібектей.
Ендігінің қыздары
Түбі түскен шелектей.

Ілмектер: қыз, шелек

Бұрынғылар өтіпті,
Бәрін айтып ниетін
Ынтымаққа жетіпті.

Ілмектер: ынтымақ, ниет

Бұрынғы ханның билігі жүрмес,
Кейінгі ханның ақылы жүрмес.

Ілмектер: билік, ақыл, хан

Ескі киімді баптағаның –
Жаңа киімді сақтағаның.

Ілмектер: ескі, жаңа, киім, сақтау, баптау

Бұрынғы қонақ соңғы қонақты ұрып жығады.

Ілмектер: қонақ

Бұрын қонғаннан қоныс сұра,
Бұрын туғаннан ақыл сұра.

Ілмектер: ақыл, қоныс, туған

Бұрын айтылмаған білімді
Жұрт сөзіңнен таниды.

Ілмектер: білім, жұрт, сөз

Бұру шықса, ру шығады.

Ілмектер: ру

Бұлт та бұйрықпен жауады.

Ілмектер: бұлт, бұйрық

Бұлт өзеннен су алса ғана жауады.

Ілмектер: бұлт, өзен, су

Бұлт көтерілсе, бағбан бағын ойлайды.

Ілмектер: бұлт, бағбан, бақ

Бұлт болса, күн жауар,
Ашық болса, жылытар.
Өскен-туған жерлерін
Тентек кісі ұмытар.

Ілмектер: бұлт, күн, отан, тентек, ұмыту

Бұлт — ала, жер — шола.

Ілмектер: бұлт, жер

×