Кіру Тіркелу
Өлең, жыр, ақындар

Мақал-мәтелдер

Үлес те емес,
Бөліс те емес.

Ілмектер: үлес, бөлісу

Шықпаған жанда үміт бар.

Ілмектер: үміт

Шалбары жоқтың ойынан алты кез бөз кетпес.

Ілмектер: шалбар, киім

Істі азанда бастасаң,
Іңірде тойларсың.

Ілмектер: іс

Орылмай тұрып қурайды.

Ілмектер: орақ, қурау

Ағаш шешінгенде,
Адам киінер.

Ілмектер: ағаш, адам

Қызбен күреспе,
Қысырмен жарыспа.

Ілмектер: қыз, күрес, жарыс, қысыр

Жаяудың көлігі – шарық,
Күші – азық.

Ілмектер: жаяу, көлік

Барлық жүкті көтерген түйе,
Бақырды да көтеруге күші жетеді.

Ілмектер: жүк, түйе

Жалғыздықтан гөрі,
Ақымақ болса да, жолдасың болғаны абзал.

Ілмектер: жалғыздық, ақымақ, жолдас

Ет тырнақтан ажырамас.

Ілмектер: ет, тырнақ

Аш не жемейді,
Тоқ не демейді.

Ілмектер: аш, тоқ

Тауды арқанмен жығуға болмайды,
Теңізді қайықпен жабуға болмайды.

Ілмектер: тау, теңіз

Ескі садақ сынығынан,
Жаңа садақ шығады.

Ілмектер: ескі, жаңа, садақ

Талдың жұмсақтығы өзіне жарасар,
Қайыңның қаттылығы өзіне жарасар.

Ілмектер: тал, ағаш, жұмсақ, қатты

Арыстан қартайса, тышқан інін аңдиды.

Ілмектер: арыстан, қарттық, тышқан, ін

Бара-бара мың болар,
Тама-тама көл болар.

Ілмектер: мың, көл

Қос қылыш бір қынапқа сыймайды.

Ілмектер: қылыш

Ескі көр тірілерге үй болмайды,
Тақыр жерде аңшыда күй болмайды.

Ілмектер: көр, үй, аңшы

Белгі болса, адам жолдан адаспайды,
Білігі болса, кісі сөзден шатаспайды.

Ілмектер: жол, сөз

Жаңалықтар

Нақыл сөздер

Пікірлер