Мақал-мәтелдер

Алтын-күміс жиғандар үй салады.

Ілмектер: алтын, күміс, үй

---

---

Алтын сырға құлақты ауыртады,
Алтындаған етік аяқты ауыртады.

Ілмектер: алтын, сырға, құлақ, етік, аяқ

---

---

Алтын — жай тас, босқа жатқан жердегі,
Қазып алса — бек тәжінің өрнегі.

Ілмектер: алтын, тас, бек, жер, тәж

---

---

Алты ай от болып,
Айырылар күні боқ болма.

Ілмектер: алты, ай, боқ, күн

---

---

Алпыстан асқан атаңнан ақыл сұрама.

Ілмектер: Алпыс, ақыл, ата

---

---

Алпыс батпан көтерген кісі
Бес батпан қосқаннан қорықпайды.

Ілмектер: алпыс, бес, батпан, қорқу, кісі

---

---

Алланың берейін деген құлына
Онан-мұнан құралар.
Бермейін деген құлының
Жалғыз атын ұры алар.

Ілмектер: Алла, құл, ұры, жалғыз, ат

---

---

Алланың алдында арамтамақтың қолы дірілдейді.

Ілмектер: Алла, арамтамақ, қол, дірілдеу

---

---

Аллаға жағамын десең,
Азаның болсын.
Пендеге жағамын десең,
Қазаның болсын.

Ілмектер: Алла, жағу, пенде, қазан

---

---

«Алла» деп барсаң, аман келерсің.

Ілмектер: Алла, аман

---

---

Алла деген ар болмас,
«Алла» деген бенделер
Ешнәрсеге зар болмас.

Ілмектер: Алла, зар

---

---

Алдырған анасының қойнын ашады.

Ілмектер: ана

---

---

Алдыңғы тегершін қайда жүрсе,
Артқы тегершін сонда жүрер.

Ілмектер: алды, арты, өнеге, тегершін

---

---

Алды қозғалған керуеннің арты кідірмейді.

Ілмектер: керуен, кідіру, қозғалу, алды, арты

---

---

Алғаш теріп жегенде (бұрын жеп көрмеген адамға)
Жүзім де қышқыл көрінеді.

Ілмектер: жүзім, қышқыл

---

---

Алғаның жаман болса да сатылмасын.

Ілмектер: жаман

---

---

Алған қатын ақылды, ізгі болса,
Ол еріне жан болар.
Ақымақ, жауыз болса,
Құр жұмысқа жар болар.

Ілмектер: қатын, ақылды, ізгі, ер, ақымақ, жауыз, жұмыс

---

---

Алаңсыз адам асықпайды,
Асықпаған аман жүреді.

Ілмектер: асықпау, аман

---

---

«Аламыз» деген алған,
«Береміз» деген жалған.

Ілмектер: жалған, алу, беру

---

---

Алақанның аясымен күннің бетін жауып болмайды.

Ілмектер: алақан, күн, бет

---

---