Кіру Тіркелу
Өлең, жыр, ақындар

Ұлағатты сөздер

Бауыржан Момышұлының нақыл сөздері
Атаның маған айтқан ақыл сөздері
Алатын кезде – алға озып,беретін кезде артта бұғып қалатын,алғаны мен бергенін жіпке тізіп санайтын адамнан аулақ жүр.Ондай адамнан құтылудың өзі-үлкен олжа.
* * *
Адам ешкімге сенбей,бәріне күдіктеніп,айналасындағыларды ылғи “алдамшы”, “қу ”, “ нашар адамдар” деп ойлап жүрсе,тура сондай сұмырайлар кездесе береді,қасыңа топталып,жинала береді.
* * *
Өзгеден артық боламын деп арындама,шамаңды шақта.Тең түскенге қанағат ет. “Қанағат қарын тойғызар,қанағатсыздық жалғыз атын сойғызар” деген ата- бабаң.Бірақ тепкіге төзбе,ешқашан аяққа басылмағын.
* * *
Адам өмірге,мынау жарық дүниеге жылап келеді.Ата-ана,туған-туыс айналасы шат-шадыман қуанады.Кетеріңде өзгелер жылап,өзің ризашылықпен қуанып кететіндей істе...
* * *
Ғылым-білім деген-түпсіз тұңғиық.Жұмыр жердің бетінде оның түбіне жеткен жан жоқ.Дегенмен шетсіз-шексіз ілім-білім жолында әркім өзінің өресі,шама-шарқы жеткен жерге бір белгі-шыбық шаншып қалдырса,сол шыбық өсіп,өзінен кейінгіге сая болып,жол нұсқап жатса,есте қалған деген сол болады.
* * *
Мынау пәни жалғанда мінсіз адам болмайды.Бұл дүниедегі періштелер – сәбилер.Айыбың мен мініңді өзің түсінсең,санасыз болмағаның.
* * *
Өзіңді сыйлайтын жерге қайта-қайта жылтыңдап бара берме,қадірің кетеді.
* * *
Арман жаста да,кәріде де болады.Адамның ой-арманы ешқашан таусылмайды,оны орындауға жолың таусылады.
* * *
Іргетас мықты болуы керек деп көп айтамыз.Егер іргетастың үстіне қабырға берік қаланбаса,төбесі биіктеп еңселенбесе ,шатыры жақсы жабылмаса,қанша мықты болса да,іргетастың құны шамалы болып қалады.
* * *
Пышақ қаламның орнын ауыстыра алмайды.Пышақ кескен жер жазылып кетеді,қалам жазылған жер жазылмас жараға айналады.
* * *
Заң деген-әдет,адамгершілік деген-әдеп.Әдеп деген-басқаларға мейірімді болу.
* * *
“ Алла-аспанның да,жердің де сипаты ” деп жазылған Құранда.Кейбір адамдар оны сезінбесе де,жүрегінің бір түкпірінде осы өмірдегі арманынан басқа,мәңгіліктің,шексіз әлемнің шет жағасын көру арманы болады.
* * *
Бағың жанып,тасың өрге домаласа,арзанқол достар мен нағыз дұшпандарың көбейеді.
* * *
Человеку важно очиститься самому,сделать свою жизнь чистой,иначе он всю жизнь будет гоняться в слепую за счастьем спотыкаясь падая и калеч других.Нечистый не может быть счастливым.
* * *
Сырттай қарағанда бір-бірінен аумайтын ұқсас екі шам болыпты.Біреуі:“ Мен неткен әдемімін,мен қандай жарықпын,мен алаулап тұрмын,мені жұрт түгел көруге тиіс,көруге міндетті.Егер маған назар аудармаса,құлаймын да,бәрін өртеп жіберемін”,-депті.Екінші шам: “Менің жарығым айналама жетер ме екен,төңірегіме жарығым түгел түссе ғой,адасқан жолаушы сәулені көріп,жол тапса,менің жарығыммен біреу-кітап оқып,біреу-жазу жазса,енді біреу-кесте тіксе,менің жарығымның септігі тиіп,сәби шошымаса”,-депті.Мұны не үшін айтқанымды ары қарай өзің ойлан.
* * *
Ақымақтығыңды өзің ұғып түсінсең,ақылды болғаның,ал өзіңді ақылдымын деп сенсең,нағыз ақымақсың!
Дайындаған-Шраздин Мадияр
Зейнеп Ахметова «Бабалар аманаты» Алматы 2017 225-230 беттер

Ілмектер: Бауыржан Момышұлының нақыл сөздері Бауыржан Момышұлы

Адам қателiк жiберуi мүмкiн. Қателiктi мойындау оны сүйкiмдi етедi. Егер адам қателiктi түзесе, бұл оны екi есе сүйкiмдi етедi.

Ілмектер: қателік, нақыл, афоризм, қанатты сөздер Фридрих Ницше

Жақсы адамның сөзi де, ойы мен iсi де iзгi.

Ілмектер: жақсы, адам, нақыл, афоризм, қанатты сөздер, ой, іс Лао-цзы

Басқаның пiкiрiн құрметтеңiз.

Ілмектер: пікір, құрметтеу, нақыл, афоризм, қанатты сөздер Дейл Карнеги

Қате деп — түзелмейтiн қателердi ғана айтамыз.

Ілмектер: қате, нақыл, афоризм, қанатты сөздер Конфуций

Адам неғұрлым адал болса, соғұрлым басқаларды арамдыққа аз қияды.

Ілмектер: арамдық, нақыл, афоризм, қанатты сөздер Цицерон

Еркелетiп ала бiлмеген, қаталдықпен де ала алмайды.

Ілмектер: еркелету, қаталдық, нақыл, афоризм, қанатты сөздер Антон Чехов

Торғай көкектiң балапанын ұзақ асырады, ақыр-соңында қанаттанған көкек оны шоқып тастады.

Ілмектер: торғай, көкек, балапан, нақыл, афоризм, қанатты сөздер Уильям Шекспир

Байлық тұзды су сияқты: iшкен сайын шөлдетедi. Даңқ та сондай.

Ілмектер: байлық, тұз, су, даңқ, нақыл, афоризм, қанатты сөздер Артур Шопенгауэр

Басшысыз үйде бала азар,
Тәртiп жоқ жерде жан азар,
Хан мисызда бәрi азар.
Iрiлiк кетiп жiгiттен,
Күн кешер бекер үмiтпен.

Ілмектер: бала, тәртіп, нақыл, афоризм, қанатты сөздер, үміт Фариза Оңғарсынова

Оқымыстының мына түрi есiркеуге лайық: түсiнедi — бiрақ iстемейдi, iстегенiн — түсiнбейдi.

Ілмектер: Оқымысты, нақыл, қанатты сөздер, афоризм, істеу, түсіну Фридрих Ницше

Нашар адамдар оларды жақсы танығаннан ұтады, ал жақсылар -ұтылады.

Ілмектер: адам, жақсы, жаман, нақыл, афоризм, қанатты сөздер Георг Лихтенберг

Әдетте оғаш қылық iстегендерге уағыз айтқанда бiзге қайрымдылығымыз емес, өзiмшiлдiгiмiз түрткi болады, бiз оларға түзету үшiн емес, өзiмiздiң қателеспейтiндiгiмiздi көрсету үшiн ақыл айтамыз.

Ілмектер: ақыл, қайрымдылық, нақыл, афоризм, қанатты сөздер Франсуа де Ларошфуко

Сұңқарды сұңқар деу керек.
Тұлпарды тұлпар деу керек.

Ілмектер: сұңқар, тұлпар, нақыл, афоризм, қанатты сөздер Фариза Оңғарсынова

Кейде адам деп жүргенiң, адамға ұқсас жәндiк болып шығады.

Ілмектер: адам, жәндік, нақыл, афоризм, қанатты сөздер Фридрих Ницше

Жеке қобызшы өзiн-өзi басқарады, ал оркестр дирижерлiк еткендi қажетсiнедi.

Ілмектер: басқары, оркестр, дирижер, нақыл, афоризм, қанатты сөздер Карл Маркс

Мен, әрине, егер бәрi басқаша болса, жағдай оңалар едi деп айта алмаймын, бiрақ бiр бiлетiнiм: егер бәрi жақсы болуы үшiн, бәрi де басқаша болуы керек.

Ілмектер: жақсы, нақыл, афоризм, қанатты сөздер Георг Лихтенберг

Дүниеге шын данышпанның келгенiн бар ақымақтың оған қарсы күреске бiрiккенiнен байқауға болады.

Ілмектер: дүние, данышпан, ақымақ, күрес, нақыл, афоризм, қанатты сөздер Джонатан Свифт

Байлықтың мәнi байлықты иеленуде емес, оны ұтымды пайдалана бiлуде.

Ілмектер: байлық, пайдалану, нақыл, афоризм, қанатты сөздер Мигель де Сервантес

Жек көрушiлiктен қатты қорқатын адам, басқара да алмайды.

Ілмектер: жек көру, қорқу, нақыл, афоризм, қанатты сөздер Сенека

Жаңалықтар

Нақыл сөздер

Пікірлер