Көп тілді білу – заман талабы ма?

Қазіргі таңда әлем күн сайын өзгеріп, жаңа технологиялар мен мүмкіндіктер пайда болуда. Осындай жаһандану дәуірінде көп тілді білу – жиі талқыланатын маңызды мәселе. Біреулер үшін бұл – табысты болудың кепілі, ал енді біреулер үшін – ана тілін шетке ысырып қою қаупі. Сонымен, көп тілді білу – шынымен заман талабы ма?

Бір тараптың пікірінше, көп тілді меңгеру – білімге, мансапқа, болашаққа ашылған есік. Мәселен, ағылшын тілін білетін адам шетелде оқуға, халықаралық жобаларға қатысуға, шет елдік достар табуға мүмкіндігі бар. Бұл – өз ойыңды әлемге жеткізу, жаңалықты тікелей түсіну, ешкімге тәуелді болмай даму деген сөз.

Алайда екінші тарап көп тілді білу ана тіліміздің әлсіреуіне себеп болады деп есептейді. Кейбір ата-аналар баласының қазақша сөйлеуіне мән бермей, бірден орысша не ағылшынша сөйлетуді қалайды. Соның салдарынан кейбір жасөспірімдер өз туған тілінде ойын толық жеткізе алмайды. Тіліміз – ұлттың жаны. Ал тіл ұмытылса, тамырымыз да үзіледі.

Менің көзқарасым: көп тілді білу – бұл дұрыс. Бірақ бұл ең алдымен өз ана тілімізді терең меңгеру арқылы басталуы керек. Қазақ тілі – жүрегіміздің үні. Ал басқа тілдер – бізді әлеммен байланыстыратын көпір. Сондықтан әр қазақ баласы ана тілінде анық сөйлеп, қосымша тілдерді заманауи құрал ретінде пайдаланса, бұл – тек ұтылмайтын жол.

Марқамұрат Мақпал Жақыпқызы