Нақыл сөздер
Кейде бір ғана сөз адамның ойын өзгертіп, өмірге деген көзқарасын жаңарта алады. Бұл бөлімде түрлі тақырыптағы ұлағатты сөздер, терең мағыналы нақыл сөздер және адамға ой салатын даналық ойлар жинақталған.
Егер сіз өмір, адам, тәрбие, достық, білім туралы әсерлі ұлағатты сөздер іздесеңіз, осы беттен табасыз. Мұнда мазмұнды нақыл сөздер мен қысқа да нұсқа ойлар тұрақты түрде толықтырылып отырады.
Адамдардың мінезі олардың нені күлкілі санайтындарынан бәрінен гөрі жақсы көрінеді.
Ілмектер: мінез, күлкі Иоганн Вольфганг фон Гёте
Тіл – ұлттың жан дүниесі. Тіл – идеяның, сезімнің, ойдың жанды көрінісі.
Ілмектер: тіл, тіл туралы қанатты сөздер Лев Толстой
Көркем сөздің сұлулығы: сағымдай құлпырмасын, өзендей толқысын!
Ілмектер: сөз, көркем сөз Ғабит Мүсірепов
Жырла да, зарла, көңілім, қалың қайғың қайнасын. Қиялдың құсы егіліп, іштегі дертті айдасын.
Ілмектер: көңіл, қайғы, дерт Бернияз Күлеев
Күй атасы – Қорқыт.
Ілмектер: күй Мұхтар Әуезов
Дүние жүзінде жақсы кітаптар көп, бірақ бұл кітаптар оларды оқи білген адамдар үшін ғана жақсы. Жақсы кітаптарды оқи білу жазуды тани білумен тіпті де теңбе-тең нәрсе емес.
Ілмектер: кітап Дмитрий Иванович Писарев
Кей адам күлкісімен әбден сыр алдырып қояды, сіз табан астында оның бүкіл қатпар-қалтарыстарын біліп аласыз. Тіпті даусыз ақылды күлкі де кейде жиіркенішті болады. Күлкі ең алдымен шынайылықты талап етеді.
Ілмектер: күлкі, адам, сыр Федор Достоевский
Соқыр көретіндей, саңырау еститіндей етіп жаз.
Ілмектер: жазу, әдебиет, соқыр Ғабит Мүсірепов
Ойдан – қуат, жырдан – қанат.
Ілмектер: ой, қуат, жыр Бернияз Күлеев
Дос таппаған ер азар, басшы бақпаған ел азар.
Ілмектер: дос, ел Мұхтар Әуезов
Ой жүгіртпестен көп оқи берген сайын, соғұрлым көп білемін деп сенесіз, ал оқып отырып неғұрлым көп ойласаңыз, әлі де өте аз білетініңізді соғұрлым айқын көресіз.
Ілмектер: кітап, ой, оқу Франсуа Вольтер
Мысқылды, аллегорияны, әзілді түсінуден қалу – жаман ырым.
Ілмектер: мысқыл, әзіл Федор Достоевский
Халық тілі – тарих шекарасынан әлдеқайда әріректен басталатын, оның күллі рухани тіршілігінің еш уақытта солмайтын және өмір бойы қайталап шешек атып тұратын тамаша гүлі.
Ілмектер: тіл, гүл Константин Ушинский
Көзбен де қамшылауға болады.
Ілмектер: көз Ғабит Мүсірепов
Жауызға айтқан жақсы сөз – суға жазған сертпен тең.
Ілмектер: жауыз, сөз, серт, су Мұхтар Әуезов
Қазақтың үміті ақталмаса, елде тыныштық сақталмайды.
Ілмектер: қазақ, үміт, тыныштық Мырзатай Жолдасбеков
Құсбегілік – аңшылықтың ең көне түрі.
Ілмектер: Құсбегілік, аңшылық Олжас Сүлейменов
Ақын жүрегіне кек тұрмайды. Кек тұрса, қақ тұрғаны. Қақ тұрған жүрек – тот басқан асыл. Енді одан берекелі үн шықпайды.
Ілмектер: ақын, кек Ғабит Мүсірепов
От жалын ой.
Ілмектер: от, ой Бернияз Күлеев
Жаза баспас қадам жоқ, жаңылмайтын адам жоқ.
Ілмектер: жаңылу, адам, жазаФ Мұхтар Әуезов
Қазақ даласы – Ұлы Түркі елінің қара шаңырағы.
Ілмектер: қазақ, қазақ даласы, ел, түркілер, шаңырақ Нұрсұлтан Назарбаев
Қазақты қазақтан басқа ешкім жарылқамайды.
Ілмектер: қазақ Мырзатай Жолдасбеков
Адамға табын, жер, енді!
Ілмектер: адам, жер Олжас Сүлейменов
Ақын жаны оңай жараланады, оңай жазылады.
Ілмектер: ақын Ғабит Мүсірепов
Жаннан безген жырдан басқа, жас жүректің кімі бар?!
Ілмектер: жастық шақ, жүрек Бернияз Күлеев
Еккенің тікен болса, орғаның балауса болмас.
Ілмектер: нәтиже, еңбек Мұхтар Әуезов
Асып бара жатсаң, еліңмен бөліс.
Ілмектер: ел, бөлісу Мырзатай Жолдасбеков
Қайсысын таңдау керек? Шекспирдің «Үнемі өзіңмен-өзің болып қалуы» ма, әлде оған кереғар «Өз бойыңдағы ең жақсы қасиеттерді жарқыратып ашу» ма? Елімізді көптен бірге мекендеп келе жатқан басқа да халықтармен бірге тығыз қарым-қатынаста дамыған жаңа қазақ ұлтының алдында тұрған қазіргі маңызды мәселе осы.
Ілмектер: қазақ, халық, таңдау Олжас Сүлейменов
Қызық емес пе, көзіңе көрінбейтін, қолға ұстауға келмейтін ән мен өлең ғасырлар бойы ел ойында қордалана беріпті, оята беріпті, сергіте беріпті.
Ілмектер: ән, өлең, ғасыр Ғабит Мүсірепов
Оймен жыр тап, жырмен түр тап.
Ілмектер: ой, жыр Бернияз Күлеев
- Нарша Булгакбаев
- Марғұлан Сейсембай
- Әлкей Марғұлан
- Әлкей Марғұлан
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі