Кіру Тіркелу
Өлең, жыр, ақындар

Мақал-мәтелдер

Бауырласың болмаса, жолдас ізде,
Жақсы жолдас — бауырлас.

Ілмектер: бауыр, жол, жақсы, жолдас

Батырлардың мықтысы қарушы болады,
Жігіттердің сұлуы бауыршы болады.

Ілмектер: батыр, мықты, қару, жігіт, сұлу

Батырдан кеңес сұрасаң,
Қылыш, мылтық, байрағын айтар.
Шаруадан кеңес сұрасаң,
Соқасы мен тайлағын айтар.
Қасаптан кеңес сұрасаң,
Пышағы мен қайрағын айтар.

Ілмектер: батыр, кеңес, кеңес сұрау, қылыш, мылтық, байрақ, шаруа, соқа, тайлақ, қасап, пышақ, қайрақ

Батыр түбі бақсы болар.

Ілмектер: батыр, бақсы

Батыр өлімі маржадан.

Ілмектер: батыр, өлім

Батыр ортақ, бай ортақ,
Төресі әділ хан ортақ.
Қараңғы үйдің ішінде
Шалқымай жанған шам ортақ.

Ілмектер: батыр, бай, ортақ, әділ, хан, төре, қараңғы, үй, шам

Батыр кісі әр қатыннан туады,
Әділ кісі бір қатыннан туады.

Ілмектер: батыр, әділ, кісі, қатын

Батыр жауда көрінеді,
Данышпан дауда көрінеді.

Ілмектер: батыр, данышпан, дау, жау

Батыр деген Барақ ит болар,
Екі қатынның бірі табатұғын.
Би деген ақсары ат болар,
Айында біреу табатұғын.

Ілмектер: батыр, ит, би

Батыр болып, бай болсаң,
Патшадан нең кем?
Жарлы болып, бек болсаң,
Келекеден нең кем?

Ілмектер: батыр, бай, патша, кемшілік, жарлы, кедей, бек, келеке

Бата алған ұл арымас,
Батасыз ұл жарымас.

Ілмектер: бата, ұл

Басыңа іс түссе, билігің зая,
Үстіңнен жау түссе, ерлігің зая.

Ілмектер: іс, бас, билік, зая, жау, ерлік

Басына бәле тілеген адам
Сұлтанның сөзін қайырар.

Ілмектер: бас, адам, пәле, сұлтан, сөз

Басыбайлы болса, соңы сайлы болар.

Ілмектер: басы, соңы

Басы қараның бәрі игі,
Барып келсе, тағы игі.

Ілмектер: игі

Басы бос заттың иесі болмас.

Ілмектер: зат, ие

Бастықтарға қарсылық етуші
Құдайдың бұйрығына қарсылық етеді.

Ілмектер: бастық, қарсылық, бұйрық, Құдай

Бастығы бар әскердің астығы бар.

Ілмектер: бастық, әскер, астық

Басты бұзған балта,
Істі бұзған маңқа.

Ілмектер: бас, іс, бұзу, маңқа

Басты балта бұзар,
Істі сайтан бұзар.

Ілмектер: бас, сайтан, іс, бұзу

Жаңалықтар

Нақыл сөздер

Пікірлер