Өлеңдер Бөлімі

Мақал-мәтелдер

Бек болмаған бек болса,
Бұрыш сайын белгі салады.

Ілмектер: бек, бұрыш, белгі

Бек бергенімен биіктер.

Ілмектер: бек, биіктеу

Бек алдында иіліп, көкірегін басқан қолдан,
Темір илеген білек мың есе артық.

Ілмектер: бек, көкірек, темір, артық, мың, білек, жағымпаздық

Бейтаныс кісіден таныс шайтан артық.

Ілмектер: Бейтаныс, кісі, артық, шайтан

Бейпіл сөзден түскен пайда көрмедім,
Көп те болса, ешбір түсім термедім.

Ілмектер: пайда, сөз

Бейнетсіз дәулеттің рахаты жоқ.

Ілмектер: бейнет, дәулет, рахат

Бейкүнә адамға тіл тигізу—
Сау тамырды қандауырмен осқылаумен бірдей.

Ілмектер: Бейкүнә, адам, тіл тигізу, тамыр

Беземе тілді бекер, болар қамшы,
Дәрісі оның у ғой бір-ақ тамшы.

Ілмектер: дәрі, у, тіл, қамшы

Бәрің бірдей қойшы болма,
Құл боларсың.
Бәрің бірдей тойшы болма,
Қу боларсың.

Ілмектер: қойшы, құл, той, қу

Бәрі түгел: құт пен бақыт алдаса,
Адам бірақ өзін құртып алмаса.

Ілмектер: құт, бақыт, адам

Бәле іздеп келме, ізгілік іздеп кел.

Ілмектер: бәле, ізгілік

Бәле келсе, «кетер» деп төзімді бол.

Ілмектер: бәле, төзім, төзімділік

Бәле әкелер рас сөзден жырақта,
Берекелі жалған сөзге тұрақта.

Ілмектер: бәле, жалған, сөз, береке

Баянсыз өмір өтті боран, желдей,
Фәнилік басып алды аққан селдей.

Ілмектер: өмір, боран, сел

Башқұрт басында бар бес құрт,
Арқасында бар алты құрт,
Желкесінде бар жеті құрт.

Ілмектер: башқұрт, бес, алты, жеті, сандар, құрт, сан

Бауырласың болмаса, жолдас ізде,
Жақсы жолдас — бауырлас.

Ілмектер: бауыр, жол, жақсы, жолдас

Батырлардың мықтысы қарушы болады,
Жігіттердің сұлуы бауыршы болады.

Ілмектер: батыр, мықты, қару, жігіт, сұлу

Батырдан кеңес сұрасаң,
Қылыш, мылтық, байрағын айтар.
Шаруадан кеңес сұрасаң,
Соқасы мен тайлағын айтар.
Қасаптан кеңес сұрасаң,
Пышағы мен қайрағын айтар.

Ілмектер: батыр, кеңес, кеңес сұрау, қылыш, мылтық, байрақ, шаруа, соқа, тайлақ, қасап, пышақ, қайрақ

Батыр түбі бақсы болар.

Ілмектер: батыр, бақсы

Батыр өлімі маржадан.

Ілмектер: батыр, өлім

×