Қасқыр қапқан қақпан сынды қала тар
Қасқыр қапқан қақпан сынды қала тар,
Етек-жеңi далақтаған дала қар.
Жанарыңнан Күн шуағы жамырап,
Кiрпiгiңдi көтергенше таң атар.
Сазына сағыныштың сый көңiлмен
Сазына сағыныштың сый көңiлмен
Қараймын айлы түнге əйнегiмнен.
Хабары бiр қаралық, қарағым-ай,
Қайтасың қаз-тырнаның қай легiмен?
Арғы бiр тегi асылдан
Арғы бiр тегi асылдан,
Мекенi жайлау-жасылдан.
Аңсап бiр келген кезiңде
Мойныңа келiп асылған.
Түн түндiгiн жапқалы таң ұрланды
Түн түндiгiн жапқалы таң ұрланды,
Тар төсекте тал бойың тағы ырғалды.
Сала құлаш шашыңнан сəл босаса,
Саусағыммен санаймын қабырғаңды.
Сен өлеңсiң
Сен өлеңсiң,
Тұп-тұнық тұма жырсың!
Тумай жатып туажат күнəлiмсiң.
Адам болып келген соң бұл фəниге
Жүрек байғұс бүлкiл қағып
Жүрек байғұс бүлкiл қағып,
Тiл қата алмай тылсым жанға,
Құлын мүшең ырқымды алып,
Құлқым қанып... құлшынғанда,
Сан дүбiрдi санамнан өшiргелi
Сан дүбiрдi санамнан өшiргелi
Өтiп жатыр өмiрдiң көшi iлгерi...
Кəдуiлгi пенделiк пешенеммен
Қадiрiңдi кеш бiлсем, кешiр менi.
Қаншайымға
Қаншайымға
Махаббат деген майданның
Көзiндей көне көрiнген,
Шашыңнан, жаным, айналдым,
Он бес күн
Болғанмен қанша сөзi бал,
Сезiмсiз жанды «сараң» дер.
Он бес күнiңдi өзiң ал,
Он бес күнiңдi маған бер.
Қарағым, сiз қайдағы, бiз қайдағы
Қарағым, сiз қайдағы, бiз қайдағы...
Көңiлдi, көктем көшiп, күз жайлады.
Құздан да биiк бiлем қыз құзыры,
Қылдан да нəзiк бiлем қыз байламы.
Тəттi мұңның
Тəттi мұңның,
Ақ түнiңнiң айғағы
Дөңгеленiп Ай туғанша қайда əлi...
Көк жүзiнде көзiн ашып сан жұлдыз,
Сен менi жат көрмегiн, жат көрмегiн
Сен менi жат көрмегiн, жат көрмегiн,
Ащы су болған шақта «тəттi» ермегiм.
Алланың көрген емен əлiмсақтан
Ақынға басыбайлы бақ бергенiн.
Жанарыңмен тұнық қара
Жанарыңмен тұнық қара
Есiмдi алдың, Лəйлi-елесiм...
Саусағыңды бүгiп қана
Қашан маған шəй бересiң?
Жанымды түртiп жəй жатқан
Жанымды түртiп жəй жатқан
Келiп бiр қалдың қай жақтан?
Жəннаттың Перiштесi ме ең,
Жанарын нұрмен жайнатқан?!
Бұлт маңады тау жаққа көктен көлбей
Бұлт маңады тау жаққа көктен көлбей,
Өрекпидi өзен де өткел бермей.
Уақыт шiркiн барады қайда асығып,
Су бетiмен жүгiрiп өткен желдей?..
Пікірлер
-
Айдана
Күшті -
Сезім
Көп рахмет -
Анеля
Өте күшті -
Мен
Рахмет -
Ақниет
Әсерлі өлең
- Асқар Сүлейменов
- Асқар Сүлейменов
- Асқар Сүлейменов
- Асқар Сүлейменов
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі