Той деп шашылды, ас деп шашылды, ар, білім деп дәулет шашарға қай қазақтың қайраты жетеді?!

Ілмектер: қайрат, шашылу Ахмет Байтұрсынұлы

---

---

Өз халқының қамын жеп,
Қайрат қылмас кісіні,-
Атамаңыз адам деп,
Ұқсаса да мүсіні.

Ілмектер: қам, қайрат Әлішер Науаи

---

---

Ерлік, қайрат үнемі ірі жұмыста көріне бермей, күндегі уақ-түйек жұмыста да көрінуі керек.

Ілмектер: ерлік, жұмыс, қайрат Жүсіпбек Аймауытов

---

---

Тереңдігі - теңіздей, қайраты - қара өгіздей.

Ілмектер: батырлық, ерлік, қайрат Базар Оңдасұлы

---

---

Тәуелсiздiк туын тiгуге қаншалықты қажыр-қайрат керек болса, оны құлатпай сақтап қалуға соншалықты қажыр-қайрат керек.

Ілмектер: тәуелсіздік, қайрат Нұрсұлтан Назарбаев

---

---

Алтын анам, Отаным, сенен аяр жаным жоқ, сенен үркер күшім жоқ - деп ер қайратыңа мін дағы, өрге бас.

Ілмектер: отан, ана, қайрат Мұхтар Әуезов

---

---

Қайрат – қамал бұзады.

Ілмектер: қайрат Бауыржан Момышұлы

---

---

Ақыл, қайрат, жүректі бірдей ұста,
Сонда толық боласың елден бөлек.

Ілмектер: ақыл, қайрат, жүрек Абай Құнанбайұлы

---

---

Жасық жас - өкінішпен өседі, қайратты қарт — тыныш өмір кешеді.

Ілмектер: жастық шақ, қайрат Жүсіп Баласағұни

---

---

...адам баласы ұшқыр ой, көп ақыл, өткіз сезім қайратының арқасында ғылым, білім, өнер тауып, өзгеден үстем дүние жүзінің қожасы болып отыр.

Ілмектер: ой, ақыл, ғылым, қайрат, өнер, дүние Жүсіпбек Аймауытов

---

---

Ойдың алғырлығы, қайраттың іскерлігі бәрінен де мәндірек.

Ілмектер: ой, алғырлық, қайрат Николай Чернышевский

---

---

Мен алаңға бірінші елімді, жерімді басындырмаймын деп шықтым. Қылмысым сол болса, соттай беріңдер. Бүкіл жастарды, жатақханаларды көтергенім рас, сол үшін соттаймын десеңдер де соттай беріңдер. Екі мыңдай адамды алаңға алып барғаным рас. Мойындаймын. Бірақ ана Савицкийдің өліміне қатысым жоқ. Егер қатысым болса, оны да мойындайтын едім. Бір милиционер қазақ қызының шашынан сүйреп бара жатқандығын көріп жебер деген едім, жіберемеді, сонда мен оны ұрдым да қызды ажыратып алдым. Ол міне сот залында отыр.

Ілмектер: Қайрат Рысқұлбеков, 16 желтоқсан, тәуелсіздік, қайрат Қайрат Рысқұлбеков

---

---

Қазақ қыздарын шашынан сүйреп жатқанын көргенде мен шыдап тұра алмадым. Қарындасым ғой, қазақтың қызы ғой. Адам емес, аң екеш аңның еркегі ұрғашысына мүйіздісі мүйізін, тұяқтысы тұяғын көтерген емес. Оның қасында біз Адам атадан тараған адамзат деген атты алып жүрген жоқпыз ба және мен оған еш өкінбеймін. Мына оңбағаннан (Алмабековтен) кешірім сұрамаймын. Сол үшін соттаймын десеңдер соттай беріңдер. Егер осы оқиға қайталанса, мен қайтадан осыны істейтін едім, сол қарындасыма қайтадан араша түсер едім

Ілмектер: Қайрат Рысқұлбеков, 16 желтоқсан, тәуелсіздік, қайрат Қайрат Рысқұлбеков

---

---

Жігіттің көз тоқтаттық қандайына:
Шешеннің тәңір берген таңдайына.
Батырдың қайрат берген жүрегіне,
Малдының ырыс берген маңдайына

Ілмектер: ырыс, жігіт, батыр, қайрат, нақыл, афоризм, қанатты сөздер Ақан Сері Қорамсаұлы‎

---

---

Адам мінезінің, ақыл-қайратының әртүрлі болуы тәрбиенің түрлі-түрлі болуынан... адам баласының ұрлық істеу, өтірік айту, кісі тонау, өлтіру сықылды бұзақылықтарды жасауы, тәрбиенің жетіспегендігінен...

Ілмектер: мінез, ақыл, қайрат, тәрбие, нақыл, ұрлық, өтірік, афоризм Жүсіпбек Аймауытов

---

---

Кәсіп майданында сан мәрте рет жараланып, құлаған сайын шыңдалып, әрдайым шайқасқа дайын болдым.

Ілмектер: кәсіп, майдан, шайқас, жігер, қайрат Рэй Крок

---

---

Ақыл, қайрат, жүректi бiрдей ұста,
Сонда толық боларсың елден бөлек.

Ілмектер: Ақыл, қайрат, жүрек, ел, нақыл, афоризм, қанатты сөздер Абай Құнанбайұлы

---

---

Үш-ақ нәрсе-адамның қасиеті: Ыстық қайрат, нұрлы ақыл, жылы жүрек.

Ілмектер: қайрат, ақыл, жүрек Абай Құнанбайұлы

---

---

Әсемпаз болма әр неге,
Өнерпаз болсаң арқалан.
Сен де бір кірпіш дүниеге,
Кетігін тап та бар қалан.
Қайрат пен ақыл жол табар,
Қашқанға да, қуғанға.

Ілмектер: әсемпаз, өнер, қайрат, ақыл, нақыл, афоризм Абай Құнанбайұлы

---

---

Қарабет болып қашқанша,
Қайрат көрсетіп өлген артық.

Ілмектер: қайрат, нақыл, афоризм, қанатты сөздер Бауыржан Момышұлы

---

---