Кіру Тіркелу
Өлең, жыр, ақындар
  1. Негізгі бет
  2. Жұмбақтар
  3. Жануарлар мен құстар


Жақпар тастың өркешiне,
Секiредi құламай.
Қия құздың өр төсiне,
Орғып шығар ол оңай.

Арқар


Пысқырғыш не?
Ысқырғыш не?

Құлан мен жылан


Тұрқы, түрi
Жылқы тектес жалы бар,
Шөп жеп түрлi,
Түзде өскен жануар.

Құлан


Есек емес,
Жылқы емес.
Екеуiнiң ұқсастығы
Бередi тұрқы елес.

Құлан


Мүйiзiнен таралған,
Жанға шипа дәрi алған.

Марал


Төбесiнде қу бұтақ,
Алар екен кiм бұтап.

Бұғы


Жапырақ жоқ бұтасында,
Қос емен өсiп тұр бiр басында.

Бұғы


Басына өскен тарбиып,
Жапырақсыз бұтағы.
Алады одан қан құйып.
Емге шипа бұл дағы.

Бұғы


Қос қанатын иіп ап,
Жарға келіп қонады.
Қара киім киіп ап,
Балшықтан үй соғады.

Қарлығаш


Қыс бойына жатады,
Тәтті ұйқыға батады.

Аю


Секіреді –
Бала емес.
Сақалы бар –
Шал емес.

Серке


Доп пішіндес тасты
Бауырына басты.

Жұмыртқа басқан құс


Жұмыр тасты төрт аяқ
Көтеріп тұр, көп таяп.

Тасбақа


Тастай қатты бұл шапан,
Қалай жуып жұмсартам?

Тасбақаның сауыты


Басында көп-ақ бұтағы,
Адамды көрсе зытады

Бұғы


Таусылама, қарандар,
Табиғаттын қызығы?
Суық жақтағы жануар –
Бұтақ-бұтақ мүйізі.

Бұғы


Ай астында ақ мамық
Жатыр суды жастанып.

Аққу


Бір топ жынғыл ішінде,
Бір жапырақ қызыл гүл.

Қырғауыл


Орманда жоғары
Ағашқа қонады.
Тұмсығын балға етіп,
Тарсылдатып соғады.

Тоқылдақ


Кілемнің түрлеріндей жүндері бар,
Айбаты жан шыдамас үндері бар.
Шаршы бой, сұлу құйрық, қысқа құлақ,
Кететін зиян қылып бір жері бар.

Жолбарыс

Жаңалықтар

Жұмбақ бөлімдері

Нақыл сөздер

Пікірлер