Адамның дене мүшелері туралы жұмбақтар
Бұл бөлімде 168 жұмбақ бар.
Бұл жинақта адам денесіне қатысты жұмбақтар ұсынылған. Сұрақтар арқылы балалар дене мүшелерін жақсырақ танып, олардың қызметін түсінеді. Қарапайым әрі есте сақтауға жеңіл мазмұн берілген. Жауаптары бірге көрсетілген.
Бірі бітсе «л»-менен,
Бірі бітер «с»-пенен.
Екеуінде баршылық,
Құдіретті күш деген.
Екеуінің алдында,
Тұрғаны ұқсас екі әріп.
Мұны тапқан «би» болар,
Бірді беріп екі алып.
Бірі жатыр сайланып,
Біреуі тұр қайралып.
Қайсы мүшең екеуі,
Тапшы, қане, ойланып.
Ортасында екі әріп,
Соңында «з», басында «а».
Үлкен рөль атқарып,
Тұрады ол басыңда.
Онсыз өтпес тамақтан,
Шайнап берген асың да.
Басы «м» да соңы «н»,
Сезер бәлкім, қу ішің.
Ортасында үш әріп,
Түсіндің бе туысым.
Ол болмаса ауызбен,
Алынады тынысың.
Онсыз мүлде сезбейсің,
Ешнәрсенің иісін.
Екі жақта екі «қ»,
Ортасында үш әріп.
Ол болмаса түк ұқпай,
Тартарың хақ құсалық.
Өзі де екеу, тұрады -
Екі жерде «тұсалып».
Ортасында «а» жалғыз,
Басында «б», соңы «с».
Биігінде дененің,
Тұрақтаған қонысы.
Онсыз барлық мақұлық,
Жүре алмайды тік тұрып.
Бұл немене тапшы, дос,
Көрсетіп бір мықтылық.
«Л»-ды қойып соңына,
«Қ»-ға жалғап тағы да,
Бір әріпті қоссаңыз –
Болар мықты бір мүшең,
Ал, қане, оқи бастаңыз
Рөлі зор денеде,
Бұл мүшеңіз немене?
Біз едік, біз едік,
Отыз екі қыз едік.
Қатар-қатар тізілдік,
Кезек-кезек үзілдік.
Жанды мотор сынбайды,
Күні-түні тынбайды.
Кейде оның жүрісін
Дәрігер де тыңдайды.
«А» мен «қ»-ның арасы,
Бір-ақ әріп, санашы!
Онсыз аттап жүре алмас,
Адамзаттың баласы.
Бір дария жерде де емес, көкте де емес,
Болғанда түбі терең, аузы кемеш,
Ішіне ит түссе де арам емес.
Бір таудың алпыс екі саласы бар,
Он екі жанында қаласы бар.
Бау-бақша, түрлі өсімдіктер,
Барлығын біліп тұрған анасы бар.
Қолымда он жүзігім ал шығармай,
Бір бөрі мал жейді екен қан шығармай.
Төрт торы, екі сала жұмбағым бар,
Мұны тапқан мені алсын мал шығармай.
Бір жанды мақлұқ көрдім пошымы бөлек,
Бір тау бар ортасында дөп-дөңгелек.
Үстіне шыққан шөбі бәрі тегіс,
Мал жемес, шауып алып неме керек.
Сол таудың ортасында екі өзен.
Астында бұлағы бар, алды кезең.
Не астына, не үстіне шыққан шөп жоқ,
Адамзат көргенің жоқ ондай өзен.
Сол таудың етегінде жалғыз құдық,
Беткейде асыл таспен аузын қиып,
Ішіне кірген нәрсе тірі шықпас,
Асыл тас жібереді бәрін қиып.
Еңкейсем еңкейеді,
Шалқайсам шалқаяды.
Екі жар бірін-бірі шамалаған,
Тал шығып жағасында сабалаған.
Ақ күшігім арбадан қарғып түсті.
Жайлаған бір көшеде отыз бөрі,
Он жігіт сол бөрінің қызметкері.
Сайраған ортасында жалғыз қызы,
Бүркейді оның бәрін екі тері.
Он атты, он жаяу, қырық найзалы,
Қыздың сөзі пайдалы.
Асыққаның аяңдай тұр,
Асықпасаң бір-біріңе таялмай тұр.
Айдын көлде асыл тас,
Ау салса да алынбас.
Жиырма баласы бар төртеуара,
Бірі ұзын, бірі қысқа дара-дара.
Қандайлық іске қоссаң ерінбейді,
Білімпаз мамандығы болған сара.
Бір тауды мекен еткен отыз бөрі,
Он кісі, отызының жұмыскері.
Сол таудың ортасында бағлан қозы,
Масайрап секіреді әрі-бері.
Жаламада жалғыз тұяқ.
Ағайынды он батыр,
Екі айыр жолда тұр.
Отыз екі пышақтың
Ортасында бір ат тұр.
Төбеде қос қалқаным,
Әлемнен үн тартамын.
Оймақтай қос көл жатыр,
Ортасында бел жатыр.
Айдын көлді айнала
Солдаттар тұр сайлана.
Көре кетсең болғаны
Көз тігеді ол-дағы.
Жүрсең, бірге жүреді,
Күлсең, бірге күледі.
Жоқ, бірақ та, жүрегі,
Бұл затты кім біледі?
Отын емес жағатын,
Пішен емес шабатын.
Бірақ, адам шашапайды,
Айлап орып тастайды.
Биік жерде өседі,
Мұны не зат деседі?
Екі шырақтың арасында бір өзім.
- Лев Шестов
- Лев Шестов
- Лев Шестов
- Лев Шестов
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі