Алфавит, әріптер туралы жұмбақтар
Бұл жинақта әріптер мен алфавитке қатысты жұмбақтар ұсынылған. Балалар әріптерді тезірек меңгеріп, есте сақтау қабілетін дамытады.
Балада бар,
Данада жоқ.
Бабада бар,
Ағада жоқ.
Саңлақта бар,
Салмақта жоқ.
Қаңбақта бар,
Қалмақта жоқ.
Нарда бар,
Малда жоқ.
Нанда бар,
Қарда жоқ.
Басы да «а», соңы да «а»,
Оқығандар ұғады.
Ортасына не қоссаң,
Ата болып шығады?
Бір атадан туыпты жиырма тоғыз баласы,
Бірлігінде бұлардың, ешкімнің жоқ таласы,
Бірігіп жүріп іс қылар, өзің ойлап қарашы.
Қаздар бар жиырма тоғыз бірге туған,
Әлемнің былық басқан бетін жуған.
Қор болмайды, өмірде кем болмайды,
Туа салып анадан соны қуған.
Жансызға жиырма тоғыз* болдым таныс,
Тамаша бір жүйрікпен қылдым жарыс.
Жансыз тұрып, жандының себебімен,
Аяғын басады екен шәркем шалыс.
Мейізде бар,
Өрікте жоқ.
Киізде бар,
Сырмақта жоқ.
Халықта бар,
Елде жоқ.
Халатта бар,
Көйлекте жоқ.
Шаңда бар,
Желде жоқ.
Тозаңда бар,
Құйында жоқ.
Жанында жаздың шуағы
Жаңбырмен жүзін жуады.
Екі орақ пен бір таяқ,
Белін бірге буады.
Ол қай әріп болады?
Ал зердеге салайық
Болады екен қай әріп.
Екі тіреу,
Басы біреу.
Дыбысы жоқ өзінше,
Тынысы жоқ өзінше,
Қатаңдатып жіберер,
Өзге әріпті көзіңше.
«Ащы» дейсің қазақта,
Келу үшін осы әріп.
Құрық жалғап азапқа,
Түсті «ш»-ға дос әріп.
Өмірде жоқ,
Өңірде бар.
Ауырда жоқ,
Жеңілде бар.
Қарда бар,
Мұзда жоқ.
Жарда бар,
Құзда жоқ.
Қырық екi жауынгер,
Сапын түзеп тұрады.
Бұлдiршiндер
Қауымды ел,
Сырын терең ұғады.
Бiрiн-бiрi қоштаған,
Бiр үйден көрдiм,
Қырық екi дос-жаран.
Таспадай қағазға тізіп,
Жазатын әріптері
Шұрық тесік,
Нүкте мен сызық.
Ас біткеннің анасы,
Қасиетті нан осы.
Қайсы әріптен басталып,
Аяқталған қарашы.
Мынау доға –
Қарайық,
Ұқсайды оған қай әріп?
Арықта бар,
Сезімде жоқ.
Балықта бар,
Теңізде жоқ.
Бұл қай әріп ?
Мысықта бар, күшікте жоқ.
Ыдыста бар, алмада жоқ.
Телеграф бағаны деп қаласың,
Насосқа ұқсастығын табасың.
Қырық екі жауынгер,
Сапын түзеп тұрады.
Бүлдіршіндер
Қауымды ел,
Сырын терең ұғады.
Бірін-бірі қоштаған,
Бір үйден көрдім,
Қырық екі дос-жаран.
Сенде бар, менде бар,
Адамда жоқ,
Жанда бар, ханда бар,
Ғаламда жоқ,
Тиде бар, сыйда бар,
Харамда жоқ,
Шамға бардым, үшеуін көрдім,
Мысырға бардым, біреуі де жоқ.
Жалғаннан біреу, екеу, үшеу,
Төртеуін бір жерден көрген адам да жоқ.
Таспадай қағазға тiзiп,
Жазатын әрiптерi
Шұрық тесiк,
Нүкте мен сызық.
Аппақ дала қара дән,
Дәнін сепкен - түсінуге жараған.
- Рымғали Нұрғалиев
- Серік Қирабаев
- Мұхтар Әуезов
- Міржақып Дулатұлы
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі