Шаруашылық құралдары туралы жұмбақтар
Бұл жинақта еңбек құралдары туралы жұмбақтар берілген. Тұрмыстық білімді арттыруға көмектеседі.
Бір құс бар қанатын,
Жел тұрса қағатын.
Аттамай бір адым,
Тапжылмай тұратын.
Ай сияқты имек,
Жазда көк шалғынға,
Жаудай тимек.
Қыста – сарайға,
Тастаймыз сүйреп.
Су көтерiп жүрiп келем,
Өзiм бiреуге мiнiп келем.
Бір алыпты мен көрдім,
Көрінгенді қармаған.
Болғанда екі қанат, отыз қолы,
Қалады тап-тақыр боп жүрген жолы,
Бар екен алақандай аралшығы,
Адамзат пайдаланып жүр ғой оны.
Жалпақ бетті батыр,
Белін буып жатыр.
Жүзімен жарамын,
Шүйдесімен қағамын.
Жүзімен жарамын,
Шүйдесімен қағамын.
Бір жансыз табылады адамзаттан,
Іні бар жырақ қана кіріп жатқан.
Арқасы інге кірсе көрінбейді,
Ғажайып іс табылар осы заттан.
Алдын айпар,
Жанын жайпар.
Дүниеде бір құжыра көресің бе?
Жалғыз көзі көрінер төбесінде.
Өзіне барған мақлұқ құр қайтпайды,
Жаны жоқ қимылдауға денесінде.
Бақ ішінде жылан жатыр,
Айналасын шылап жатыр.
Ағаш арық, тұйық арық:
Жылқылар жүр жиі барып.
Қара жерді қопарған,
Трактордан от алған.
Темірлерден түйілген.
Болаттардан иілген.
Ескегі бар -
Жүзбейді,
Ұшудан үміт үзбейді.
Бір сүйем ғана ұсқыны,
Елпектетер күштіні.
Бір-екі құлаш бауы бар,
Не екенін табыңдар?!
Еңкеймесе екі бетін кір басар,
Еңбектенсе екі беті нұр шашар.
Бүйірі тесік жолмен,
Биікке шықтым.
Албыр-жалбыр бір тамыр.
Қолы төрт, аяғы екеу, белі бір кез,
Ешнәрсе оған тура келмейді кез.
Қолына түскен жанды жібермейді,
Оншама кетпейді де, жүгіріп тез.
Пышақ емес, біз емес, кетпен емес,
Шот емес, темір емес, сабы бар.
Саптағанның жаны бар,
Тұтамнан асқан сабында,
Жалғыз-ақ бау табылар.
Барады да барады,
Теңгедей жерді алады.
Бойы түйедей,
Ізі түймедей.
Басқан жері бармақтай,
Аттаған жері атандай.
Бір нәрсе иілмейді күйеу дейін,
Болады қанша жанға сүйеу дейін.
Бармақтай басқан ізі сол хайуанның,
Басады аттап-аттап түйе дейін.
Мәулім-мәулім бастан,
Орта мәулім төстен,
Құлама ет құйрық ұстайды,
Ең жаманы бақай ұстайды.
Желе-желе, желе келе,
Қамқа тонын піше келе,
Қандан суын іше келе.
Жансыздан алты жігіт дос болыпты,
Бөгдеден біреу келіп еш болыпты.
Мұрнын тесіп өткізіп тұйық бұйда,
Жетектеген адамдар хош болыпты.
Бір қыздың жүз жиырма түймесі бар,
Бес аспап дөңгелексіз күймесі бар.
Құдайдың құдіретін қарап тұрсаң,
Астында төсек, үстінде көрпесі бар.
Бір нәрсе бес бөгенді, тиегі бар,
Темірден салбыраған иегі бар.
Болғанда бірі қолда, бірі белде
Адамға әрқашанда керегі бар.
Бір нәрсе бес буынды тиегі бар.
Темірден салбыраған иегі бар,
Болғанда бірі қолда, бірі белде
Адамға, атқа да керегі бар.
Жүгіріп келе жатып,
Шақшам түсті.
Білесің ғой жарты айды,
Міне осындай төрт айды.
Екі он екі шеге геп,
Қойды тасқа шегелеп.
Аяғыңнан алады,
Көтеріп жерден салады.
Тептім, терекке шықтым.
Кішкене ғана тостаған
Лақтырып мені тастаған.
Отырғаным оба жер,
Басқаным бақыр шанақ.Үзеңгі/
Таппақ, табыспақ,
Тай үстіне жабыспақ.
Ұзын еді кестім,
Жуан еді жондым.
Құдай мұндай қылар ма,
Отыруға ыңғайлы болар ма?
Ұзын еді кестім,
Қысқа еді керттім,
О қылдым, бұ қылдым,
Көтіңе үлгі қылдым.
Отырса аттан биік,
Тұрғанда аласа.
Ойлап көріңіз,
Бұл не деген тамаша?
- Рымғали Нұрғалиев
- Серік Қирабаев
- Мұхтар Әуезов
- Міржақып Дулатұлы
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі