Кіру Тіркелу
Өлең, жыр, ақындар
  1. Негізгі бет
  2. Жұмбақтар
  3. Жануарлар мен құстар


Белестен шапқан бесті ат,
Бүкір келген желісті ат.
Бейғам елде іздейді,
Малдан күдер үзбейді.

Қасқыр


Әр түрлі, орта бойлы, ұзын құлақ,
Өзіне міндетпесе, қызмет қылмақ.

Есек


Қара арғымақ мінгенім,
Қыр айнала жүргенім.
Сегіз найза сенгенім,
Он екі қылыш ілгенім.

Бүркіт


Жер бетінде жатқан арқан,
Ұстауға оны бәрі де қорққан.

Жылан


Білесін мекен даласын,
Бірден тауып аласың,
Салыр алып дорбаға,
Жүреді ылғи баласын.

Кенгуру


Күндіз соқыр не деген?
Түнде қалай көреген?

Үкі


Қанаты бар ұшпайды,
Жұрт айламен,ұстайды.

Балық


Тікірейіп құлағы
Менен бұрын тұрады.
Бойын жазып керіліп,
Беті-қолын жуады.

Мысық


Тастамайды бір елі,
Үйін сүйреп жүреді

Тасбақа немесе ұлу


Апан-апан,
Ескі шапан.
Иір қобыз,
Жарық жұлдыз.

Түйе


Биікте ұшып жүреді,
Елік, қоян бүреді.
Қия таста ұясы,
Бұл құсты кім біледі?

Бүркіт


Тұмсығымен ояды,
Ағаш құртын жояды.

Тоқылдақ


Кішкентай ғана бойы бар,
Айналдырып киген тоны бар.

Қой


Асты тас, үсті тас
Ортасында жанды бас.

Тасбақа


Кезікті бір жануар
Үстінде екі тауы бар

Түйе


Еркін самғап ұшсын деп,
Мәпелейміз баптаймыз.
Бейбітшілік құсы, - деп
Қайсы құсты мақтаймыз.

Көгершін


Тұмсығы дөңгелек,
Денесі он бөлек.

Шошқа


Бітімі тұрқы,
Аумаған жылқы.
Мәйкесі жолақ,
Айыбы солақ.

Зебра


Санай алмай шаршадым,
Найзасы бар қанша мың.
Батыр емес бырақта,
Қашып жүрер жырақта.

Кірпі


Туа сала мұрт өсірген мырза,
Пеш түбінде жатқанына ырза.

Мысық

Жаңалықтар

Жұмбақ бөлімдері

Нақыл сөздер

Пікірлер