Кіру Тіркелу
Өлең, жыр, ақындар

Ұлағатты сөздер

Сүйген екенсің таусылып сүй, екінші біреуге қарайтын хәлің болмасын!

Ілмектер: сүю Қадыр Мырза Әли

Тексіздің тегі — құл.

Ілмектер: құл Әйтеке би

Әділ сөз ащы көрінер.

Ілмектер: әділдік, сөз Жүсіп Баласағұни

Уақыт – әр адамның еншісіне бұйырған әрі зая кетіре алмайтын жалғыз капитал.

Ілмектер: уақыт, капитал, адам, енші Томас Эдисон

Жалпы түгел тәуекелге мінбей тұрып, жалқы ештеңе бітіре алмайды. Қарапайым ел деген болмайды. Жеріне, суына, тіліне, дініне, тарихына, тағдырына ие Халық деген болады. Тек сондай халық қана есерін түзеп, еріне медет бола алады. Қорлана бермей, арлана білейік. Намыстың сөзін сөйлейік.

Ілмектер: ел, тіл, дін, тарих, халық, намыс Әбіш Кекілбаев

Тіл байлығы, тіл тазалығы – ұлт қасиетінің, салт-санасының негізгі өнегесі, нағыз белгісі.

Ілмектер: тіл, ұлт, салт, сана Бауыржан Момышұлы

Жаман туған бар болса, жақсы жолдас зар болса – жазаны сонда көрерсің.

Ілмектер: жаман, жақсы, жолдас, жаза Шалкиіз Тіленшіұлы

Өзіне-өзі ғашық адамның қолынан шынайы махаббат келмейді. Өзімшілдік — махаббатты улайтын сұмдық кесір-кесел.

Ілмектер: ғашықтық, махаббат, өзімшілдік Василий Сухомлинский

Қоштасу — жүрекке салмақ.

Ілмектер: қоштасу, жүрек Жүсіп Баласағұни

Өркөкіректік мақтаннан бас тартқанның өзінде ештеңе жоғалтпай, ұпайын түгендеп отырады.

Ілмектер: өркөкірек, мақтаншақтық, нақыл сөздер, ұлағатты сөздер Франсуа де Ларошфуко

Балаға берілген дұрыс тәрбие - бұл бақытты кәрілік, қате тәрбие біздің келешектегі сорымыз, біздің көз жасымыз.

Ілмектер: бала, тәрбие, келешек Антон Макаренко

Тұлпардан тұлпар туады,
Сұңқардан сұңқар туады,
Асылдан асыл туады,
Жалқаудан масыл туады,
Масылдан малықпас туады,
Тілазардан қалжақпас туады,
Таздан жарғақпас туады,
Сараңнан бермес туады,
Соқырдан көрмес туады,
Мылжыңнан езбе туады,
Қыдырмадан кезбе туады.

Ілмектер: жалқау, тілазар, мылжың Майқы би

Бала бастауыш мектепте бар пәнді тек ана тілінде ғана оқуы керек.

Ілмектер: бала, бастауыш, мектеп, ана тіл, ана тілі, оқу Ахмет Байтұрсынұлы

Ашық айту - анық айту болғанымен, ақиқатты айту емес.

Ілмектер: ақиқат, ашық айту Асқар Сүлейменов

Әкеңдей әкені сыйламасаң.
Балаңдай баладан таяқ жейсің.

Ілмектер: Өсиет Азамат Сейдалиев

Бастау үшін ұлы болудың қажеті жоқ, бірақ ұлы болу үшін бастау қажет.

Ілмектер: ұлы, бастау, Жетістік Зиг Зиглар

Өміріңізде жол беруіңіз мүмкін ең үлкен қателік – қателік жасаймын деп әрдайым қорқу.

Ілмектер: қателік, қорқу Элберт Хаббард

Еркін елде өскен ұрпақтың рухы әрдайым биік болуы тиіс. Жастары жалын жүректі, өршіл намысты, биік рухты болса – ол елдің еңсесі де биік болады. Өршіл, намысшыл жас отаншыл, патриот келеді, халқына, өз ұлтына адал қызмет етуге ұмтылады.

Ілмектер: Н.Назарбаев, патриот, ел, намыс Нұрсұлтан Назарбаев

Қазақ қыздарын шашынан сүйреп жатқанын көргенде мен шыдап тұра алмадым. Қарындасым ғой, қазақтың қызы ғой. Адам емес, аң екеш аңның еркегі ұрғашысына мүйіздісі мүйізін, тұяқтысы тұяғын көтерген емес. Оның қасында біз Адам атадан тараған адамзат деген атты алып жүрген жоқпыз ба және мен оған еш өкінбеймін. Мына оңбағаннан (Алмабековтен) кешірім сұрамаймын. Сол үшін соттаймын десеңдер соттай беріңдер. Егер осы оқиға қайталанса, мен қайтадан осыны істейтін едім, сол қарындасыма қайтадан араша түсер едім

Ілмектер: Қайрат Рысқұлбеков, 16 желтоқсан, тәуелсіздік, қайрат Қайрат Рысқұлбеков

Мен алаңға бірінші елімді, жерімді басындырмаймын деп шықтым. Қылмысым сол болса, соттай беріңдер. Бүкіл жастарды, жатақханаларды көтергенім рас, сол үшін соттаймын десеңдер де соттай беріңдер. Екі мыңдай адамды алаңға алып барғаным рас. Мойындаймын. Бірақ ана Савицкийдің өліміне қатысым жоқ. Егер қатысым болса, оны да мойындайтын едім. Бір милиционер қазақ қызының шашынан сүйреп бара жатқандығын көріп жебер деген едім, жіберемеді, сонда мен оны ұрдым да қызды ажыратып алдым. Ол міне сот залында отыр.

Ілмектер: Қайрат Рысқұлбеков, 16 желтоқсан, тәуелсіздік, қайрат Қайрат Рысқұлбеков

Жаңалықтар

Нақыл сөздер

Пікірлер