Нақыл сөздер, ұлағатты сөздер, мақал-мәтелдер, әзілдер – 229-бет
Аузымен орақ орады,
Ілмектер: ауыз, қырғыз мақалы
Артымен масақ тереді.
Ауыл иттің құйрығы қайқы.
Ілмектер: ауыл, ит, қырғыз мақалы
Ала жылқы жоғалмас,
Ілмектер: арам, арамдық, адам, жылқы, төрт түлік мал, қырғыз мақалы
Арамза жан оңалмас.
Епсіз мерген құрды атады,
Ілмектер: ептілік, мерген, қырғыз мақалы
Қарайған қырды атады.
Батар күннің де атар таңы бар.
Ілмектер: күн, таң, қырғыз мақалы
Жаман ит жармаға жармасар.
Ілмектер: жаман, ит, қырғыз мақалы
Әркімде бар бір қиял,
Ілмектер: қиял, қырғыз мақалы
Ал қиялды кім тияр.
Стилі жоқтың жазғанын оқу - арпа талқанды құрғақ асағандай. Стильсіз жазушы, стилін таба алмаған жазушы - іріге еліктеп көлеңке калькаға барады да, сорпаның сорпасының сорпасы болады.
Ілмектер: жазушы, стиль Асқар Сүлейменов
Теңдік туралы әңгімені ұнатпаймын. Жалғыз теңдік барлық адамдардың күндердің күнінде қайтыс болуында.
Ілмектер: теңдік, адам Боб Дилан
Біздің өміріміздің екі жағы бар: болған жайт және есіңе түсіргің келмейтін жайт.
Ілмектер: өмір Харуки Мураками
Махаббатты тек көңіл көтеру деп санаған адам қайғы-қасіретке жол ашып, көзден жасты селдетеді.
Ілмектер: махаббат Василий Сухомлинский
Қазақта би болмаса, би деген сөздің өзі қайдан шыққан?
Ілмектер: қазақ, би Жұмат Шанин
Шын беріле қызықтаған нәрсе ғана адамның жүрегінен орын алады.
Ілмектер: жүрек, қызығушылық Әл – Фараби
Рух өлмейді, рух көшеді.
Ілмектер: рух Тоқсары
Пәтуасыз ер елге сор.
Ілмектер: ер, ел Тоныкөк
Табыс — таңертен оянып және кешке ұйықтау мүмкіндігі. Және осы екі уақыт аралығында өзіңе шынымен ұнайтын істі істеу.
Ілмектер: табыс Боб Дилан
Кеше болмағанның бүгін болуы мүмкін, бүгін болмағанның ертең болуы мүмкін, бірақ ана тіліне мән бермеушіліктің, оны құрметтемеудің орны толмас олқылықтарға соқтыратыны сөзсіз.
Ілмектер: ана тілі, тіл Нұрсұлтан Назарбаев
Сезімді сыртқа шығарып үйрену қажет. Әйтпесе, ол іште жатып, қатайып, өледі...
Ілмектер: сезім, сезім туралы нақыл сөздер Харуки Мураками
Қанша кітап оқығанмен, император бола алмайсың.
Ілмектер: кітап, император Мао Цзэдун
Қыздың қатаңдығы мен талап қойғыштығы бар жерде жігіт нағыз еркек боп шығады.
Ілмектер: талап, қыз, қатаңдық Василий Сухомлинский
Апа, неге осы қазақтың келіндері орамалсыз жүрмеуі керек?
Ілмектер: анекдот, адамның өмірі туралы, келін, қыз
– Е, жарығым! Əйел орамал тақпаса – арын ұмытады. Күйеуінің барын ұмытады! Шашы – тамаққа түседі, өзіне келген қонақтың назары түседі.
– Ал, сəлем салмаса ше?
– Сəлем салмаса – өзін сыйлайтын қайын ата, қайын ағадан айырылады, тегін батадан қайырылады!
– Келін міндетті түрде униформа (халат, ұзын көйлек, орамал) киіп, келін боп шауып жүруі керек пе?
– Қыз қалыптан əйел болуға көндіретін ол – сəлемі, жат жұрттың алдындағы əдебі! Қыз күнін қиып, қыдыруын тиған – қатын болады! Қатын болған адам – қазанға, отқа жақын болады. Құрсағын кеңітіп, бала тапқан – кең болады! Алпыс екі тамырын иіткен ана болады! Басқа салғаннан ой түйіп, тағдырына бас игенге құдай өзі пана болады! Үлкеннен көргенін бойына сіңіріп, өзі де сол əулетке сіңген келін – дана болады!
– Ой, қазір жастарды емес үлкендерді тəрбиелеу керек сияқты ғой!
– Бүркіт көзіне көрінгенді алмайды, көңілдегісін алады. Ақылды атаның баласы ерегіспей, тектілігіне салады. Көргеніңе көз жұм да, көңілдегіңді істе!
– Бəрін бір келін байғұсқа жүктейді қазақ!
– Е, балам! Жақсы келін ата-енесін бағады. Ата-анасы ұнатқанды – отағасы жылатпайды! Кемінде алты бала тапқанның не айтса да сөзінің құнары болады, қамықса – қарайтын “шырағы” болады. Аз бала тапқанның тыпыршып айтар “ұраны” болады. Көп баласы бардың – шөлдетпейтін бұлағы болады. Əйел – келін болмаса, керім болмайды. Ана болмаса, ене болмайды. Ене бола алмаса – əдепті келіні жəне болмайды!
– Бəрі əйелге байланысты емес қой. Ер азамат та жəрдем беруі қажет!
– Дұрыс! Азамат таппаса – ақшада береке болмайды! Дүние тапқанмен, баққаны көше болса – екі дүниеде сорлайды! Еркегі үйіне қонбайтын үйдің – қызы етегін жаппайды, еркіндік сақтайды. Қылық сақтап, қымсынбайды. Айналасын жинайын деп ұмсынбайды! Ұлы – ұсақтау, бəдік болады, қатындардың тірлігіне қанық болады! Əйелі ашынып жүреді, бір ысып, бір суып, басылып жүреді. Көршімен əңгімешіл боп, үйі бықсып, шашылып жүреді. Ондай əйелден – əдеп сақтар жар, салиқалы ана шықпайды.
Еркекті ерітетін де – əйел, жерітетін де – əйел! Беделін биік қып, абыройын кемітетін де – əйел! Əйел жұмсақ болмаса – ер далаға қашады. Далада жүріп көп былыққа араласады. Араласқан соң – тапа тал түсте сөз таппай сасады, əрнəрсені сылтау ғып, өтірік ғайбат шашады. Əйелі жақсының ағайыны айналасында жүреді. Ұрпағы ізетті болады.
Тәрбиеші болу үшін, тәрбиеленген болуың керек.
Ілмектер: тәрбие, тәрбиеші Антон Макаренко
Балалар тәрбиесін – үлкендерден бастау керек.
Ілмектер: тәрбие, бала, тәрбие туралы нақыл сөз Максим Горький
Бала - дүниеге әкелгендікі емес, тәрбиелегендікі.
Ілмектер: бала, тәрбие
Білім – бір құрал. Білімі көп адам құралы сай ұста сықылды, не істесе де келістіріп істейді.
Ілмектер: білім, білім туралы нақыл сөз Ахмет Байтұрсынұлы
Тірлік кешкен адамның сол тірліктен алып кетері – жат тізені кеудесіне шығармау.
Ілмектер: тірлік, адам, нақыл сөздер Асқар Сүлейменов
Орынды сөйлейтін адам кешірім сұрауға мәжбүр болмайды.
Ілмектер: адам, cөз, кешірім, тіл Фатих Сұлтан Мехмед
Көзі қысық, тісі қисық жаудан гөрі, көзі шегір, өзі жемір жаудан ұрпағым көп қорлық көретін болады
Ілмектер: жау, ұрпақ Майқы би
Кімде-кім ана тілін, әдебиетін сыйламаса, бағаламаса, оны сауатты, мәдениетті адам деп санауға болмайды.
Ілмектер: ана тілі, тіл, әдебиет, тіл туралы қанатты сөздер Мұхтар Әуезов
Тіл – ішкі сырды сыртқа шығаратын құрал. Әр заманда тіл ішкі сырды әртүрлі шығаратын болған.
Ілмектер: тіл Жүсіпбек Аймауытов
- Омархан Айнұр
- Омархан Айнұр
- Ахмет Байтұрсынұлы
- Конфуций
Барлық авторлар
Ілмек бойынша іздеу
Мақал-мәтелдер
Қазақша есімдердің тізімі